कोल्हापूर येथे 2024-2025 या शैक्षणिक वर्षाकरीता प्रथम वर्ष प्रवेश अर्ज करण्यासाठी मुदतवाढ

कोल्हापूर (प्रतिनिधी): सन 2024-2025 या शैक्षणिक वर्षात विद्यापीठ अधिविभाग व संलग्नित महाविद्यालयांमध्ये शिकविल्या जाणा-या  M.Sc. व तत्सम अभ्यासक्रम तसेच विद्यापीठ अधिविभागांकडील  M.A., M. Com.,  M.A. (Music), M.A. in Women’s Studies, LL.M., Master of Rural Studies, M.Lib. & Information Science, M.Sc. (Mathematics with Computer Application), M.C.A. (Computer Science), M.B.A. (Distance Mode),  BCA,  B.A. (Sports),  B.A. (Film Making),  B. Com. (Banking & Finance),  B.Sc.-M.Sc. Nanoscience & Technology Integrated (Five Years), B.Sc.-M.Sc. Economics  Integrated (Five Years) या अभ्यासक्रमांच्या भाग 1  प्रवेशाकरिता प्रवेश परीक्षेसाठी यापूर्वी दि. 25/04/2024 पर्यंत तसेच प्रवेश परिक्षेव्यतिरिक्त अभ्यासक्रमांसाठी दि.14/05/2024 अखेर अर्ज मागणी करण्यात आले होते.  यास विद्यार्थी हितास्तव ज्या अभ्यासक्रमांना प्रवेश परीक्षा आहे अशा अभ्यासक्रमांच्या भाग 1  प्रवेशाकरिता दि.10/05/2024 पर्यंत व ज्या अभ्यासक्रमांना प्रवेश परीक्षा नाही अशा अभ्यासक्रमांना प्रवेश्‍ अर्ज भरण्यासाठी दि.25/05/2024 अखेर मुदतवाढ देण्यात आली आहे.  प्रवेश परीक्षा असलेल्या अभ्यासक्रमांची प्रवेश परीक्षा दि.16/05/2024 ते 19/05/2024 रोजी घेण्यात येणार आहे. प्रवेश परीक्षेचे ओळखपत्र (Hall Ticket) दि.15/05/2024 अखेर विद्यार्थ्यांच्या लॉगिनवर उपलब्ध करण्यात येणार आहे.शिवाजी विद्यापीठात नियमित अभ्यासक्रमास प्रवेश घेणाऱ्या सीमा भागातील विद्यार्थ्यांकरीता विशेष सवलत देण्यात येत आहे.   विद्यार्थ्यांनी  सविस्तर तपशीलासाठी https://www.unishivaji.ac.in/mscadmission/For-Student-Information या संकेतस्थळाला भेट द्यावी. तसेच प्रवेशासंदर्भात अद्ययावत माहिती वेळोवेळी वरील संकेतस्थळावर प्रसिध्द करण्यात येईल, याची विद्यार्थ्यांनी नोंद घ्यावी, असे कुलसचिव डॉ. व्ही. एन. शिंदे यांनी कळविले आहे.