no images were found
फुटपाथवर झोपलेल्या चौघांना ट्रकने चिरडले
नवी दिल्ली : येथील सीमापुरी परिसरात मंगळवारी रात्री उशिरा एका ट्रकने रस्त्याच्या कडेला झोपलेल्या लोकांना चिरडले. या अपघातात दोघांचा जागीच मृत्यू झाला, तर दोघांचा रुग्णालयात नेत असताना मृत्यू झाला. या अपघातामध्ये दोन जणांना गंभीर अवस्थेत रुग्णालयात दाखल करण्यात आलं आहे. या घटनेमुळे खळबळ उडाली असून पोलीस तपास सुरू आहे.
मंगळवारी रात्री उशिरा रस्त्यावर शांतता असताना काही लोक इथे दुभाजकावर झोपले होते. रात्री पावणेदोन वाजण्याच्या सुमारास डीटीसी डेपोच्या रेडलाईटजवळ मद्यधुंद ट्रकचालक गाडी चालवत असताना ट्रक अचानक अनियंत्रित झाला. हे बघून त्यांची गाडी बाजुला झोपलेल्या लोकांना तुडवत डावीकडे झुकली.
ट्रकची चाकं अंगावर चढताच जखमींनी आरडाओरडा सुरू केल्याची माहिती आहे. यानंतर आजूबाजूचे लोक धावत आले. मात्र, तोपर्यंत बराच उशीर झाला होता. यापैकी दोघांचा मृत्यू झाला होता. तर चार जणांचे अतोनात हाल झाले. त्यांना तातडीने रुग्णालयात नेण्यात आले. तिथे आणखी दोन जणांना डॉक्टरांनी मृत घोषित केले. तर इतर दोघांची प्रकृती पाहता त्यांना उपचारासाठी रुग्णालयात दाखल करण्यात आले आहे. या अपघातानंतर ट्रकचालक घटनास्थळावरून पळून गेला. ही माहिती मिळताच पोलिसांनी घटनास्थळ गाठून या प्रकरणाचा तपास सुरू केला. ट्रकचालकाचा शोध घेण्यासाठी पोलिसांनी घटनास्थळाच्या आजूबाजूला लावलेल्या सीसीटीव्ही कॅमेऱ्यांचे फुटेज स्कॅन करण्यास सुरुवात केली आहे.
