अधीक्षक डाकघर कार्यालयात डाक अदालत

कोल्हापूर  : प्रवर अधीक्षक डाकघर, कोल्हापूर विभाग यांच्याव्दारे दिनांक 21 मार्च 2024 रोजी दुपारी 3 वाजता प्रवर अधीक्षक डाकघर, कोल्हापूर कार्यालयामध्ये डाक अदालत आयोजित करण्यात आली असल्याची माहिती कोल्हापूर डाकघर विभागाचे प्रवर अधीक्षक अर्जुन इंगळे यांनी दिली आहे.

 कोल्हापूर डाकघर विभागाशी संबंधित पोस्टाच्या सेवेविषयी किंवा कामकाजाबद्दल ज्या तक्रारींचे निवारण सहा आठवडयांच्या आत झाले नसेल व समाधानकारक उत्तर मिळाले नसेल अशा तक्रारींची या डाक अदालतीमध्ये दखल घेतली जाईल. विशेषत: टपाल वस्तु, मनी ऑर्डर, बचत बँक खाते, प्रमाणपत्र इत्यादी बाबतच्या, तक्रारी विचारात घेतल्या जातील. तक्रारींचा उल्लेख सर्व तपशीलासह केलेला असावा (उदा. तारीख व ज्या अधिकाऱ्यास मूळ तक्रार पाठवीली असेल त्याचे नांव व हुद्दा इत्यादी.)

संबंधितांनी डाकसेवेबाबतची आपली तक्रार ए.व्ही. इंगळे, प्रवर अधीक्षक डाकघर, कोल्हापूर विभाग, कोल्हापूर-416003 यांच्या नावे दोन प्रतींसह दिनांक 15 मार्च पर्यंत अथवा तत्पूर्वी पोहोचेल अशा रितीने पाठवावी. त्यानंतर आलेल्या तक्रारींची या डाकअदालतीमध्ये दखल घेतली जाणार नाही, असेही श्री. इंगळे यांनी पत्रकाव्दारे कळविले आहे.