भारत-पाकिस्तान संबंधांवर दोन दिवसीय विशेष व्याख्यानमालेचे आयोजन

कोल्हापूर  – शिवाजी विद्यापीठाच्या राज्यशास्त्र अधिविभागामार्फत दि.01 आणि 02 मार्च, 2024 या कालावधीत सकाळी 11 वाजता दोन दिवसीय विशेष व्याख्यानमालेचे आयोजन मानव्यशास्त्र सभागृहामध्ये करण्यात आले आहे. 'भारत-पाकिस्तान संबंध' या विषयावर आयोजित व्याख्यानमालेमध्ये नाबार्डचे माजी अध्यक्ष डॉ.यशवंत थोरात हे व्याख्याते म्हणून उपस्थित राहणार आहेत. शिवाजी विद्यापीठाचे कुलगुरू डॉ.दिगंबर शिर्के अध्यक्षस्थान भूषविणार आहेत. या दोन दिवसीय विशेष व्याख्यानमालेचा लाभ घ्यावा, असे आवाहन राज्यशास्त्र अधिविभाग प्रमुख डॉ.प्रकाश पवार यांनी केले आहे.