no images were found
केएमसी कॉलेजमधील एनसीसी विद्यार्थ्यांची भारतीय सैन्यात निवड
कोल्हापूर : महानगरपालिकेच्या यशवंतराव चव्हाण (केएमसी) कॉलेज मधील एनसीसी विभागाच्या सात एनसीसी विद्यार्थ्यांची अग्नीविर योजनेअंतर्गत भारतीय सैन्यात निवड झालेली आहे. यामध्ये सिनिअर अंडर ऑफिसर दीपक जाधव, कॅडेट सौरभ हराळे, कॅडेट रितेश पाटील, कॅडेट सिराज जमादार, कॅडेट संकेत तोडकर, कॅडेट यश परी, कॅडेट प्रथमेश उलपे यांची भारतीय सैन्य दलात निवड झालेली आहे.
या विद्यार्थ्यांना 56 महाराष्ट्र बटालियन एनसीसी चे कमांडिंग ऑफिसर कर्नल पुनीत गोगई, अतिरिक्त आयुक्त केशव जाधव, प्राचार्य डॉ बाबासाहेब उलपे यांचे प्रोत्साहन व कॅप्टन डॉ.अमित रेडेकर यांचे सहकार्य लाभले. निवड झालेल्या विद्यार्थ्यांचा सत्कार महाविद्यालयाचे प्राचार्य डॉ बाबासाहेब उलपे, कॅप्टन अमित रेडेकर यांच्या हस्ते करण्यात आला. यावेळी या सर्वांना पुढील वाटचालीला शुभेच्छा देण्यात आल्या. यावेळी पर्यवेक्षक संदीप गावित, प्रा संजय कांबळे, प्रा पी डी तोरस्कर, प्रा रवींद्र मांगले, प्रा सचिन धुर्वे, प्रा राम पवार उपस्थित होते.
