no images were found
सलमानला फार्महाउसवर मारण्याचे प्लॅनिंग, बिश्नोई गँगच्या प्लॅन बीचा झाला खुलासा
मुंबई – बॉलिवूडचा दबंग सलमान खानच्या आयुष्यावरील संकट संपण्याचे नाव घेत नाही आहे. बिश्नोई टोळीने सलमान खानवर दुसऱ्यांदा हल्ला करण्याचा कट रचला होता. पंजाब पोलिसांनी पत्रकार परिषदेत ही माहिती दिली. सिद्धू मूसेवाला खून प्रकरणापूर्वी लॉरेन्स बिश्नोईने सलमानला मारण्यासाठी पुन्हा एकदा प्लॅन बी तयार केला होता.
या प्लॅनमध्ये गोल्डी ब्रार, लॉरेन्स बिश्नोई टोळीचा शूटर कपिल पंडित होते, ज्याला नुकतीच भारत-नेपाळ सीमेवरून अटक करण्यात आली आहे . अटक करण्यात आलेल्यांपैकी कपिल पंडित, संतोष जाधव, दीपक मुंडी आणि अन्य दोन नेमबाज मुंबईतील वाजे परिसरात पनवेल येथे भाड्याच्या खोलीत राहण्यासाठी आले होते. इतकंच नाही तर शूटर्सनी ज्या रस्त्यावरून सलमान पनवेलच्या फार्म हाऊसवर जातो त्या रस्त्याचाही माग काढला होता. जर त्या रस्त्यावर खूप खड्डे असतील तर फार्म हाऊसपर्यंत सलमानच्या गाडीचा वेग ताशी २५ किलोमीटर इतकाच असेल, असा अंदाज त्यांनी व्यक्त केला. जेणेकरून शूटर्सना सलमानच्या हालचालींची सर्व माहिती मिळू शकेल. या रेकीदरम्यान दोनदा सलमान फार्महाऊसवर गेला होता, पण लॉरेन्स बिश्नोईच्या नेमबाजांचा हल्ला चुकला होता.
