‘वागले की दुनिया‘ने पूर्ण केली 3 वर्षे

आशयगर्भ आणि जवळीक साधणाऱ्या कथांप्रती आपल्या बांधिलकीसाठी ओळखल्या जाणारी सोनी सब वाहिनी दर्जेदार मजकूर तथा मनोरंजनासाठी पसंतीचे स्थळ ठरली आहे. वाहिनीवरील एकापेक्षा एक सरस मालिकांपैकी वागले की दुनिया – नई पिढी नये रिश्ते ही मालिका मुंबईच्या रसरशीत जीवनाच्या पार्श्वभूमीवर आधारलेली आहे. मालिकेत सर्वसामान्यांच्या आयुष्यातील संघर्ष, आनंद आणि विजयाचा अर्क अतिशय सुंदररीत्या टिपण्यात आला आहे. मालिकेने तीन वर्षांचा उल्लेखनीय टप्पा गाठला आहे. प्रभावी कथाकथनाचे आदर्श उदाहरण म्हणून मालिकेने नाव कमावले आहे.मालिकेतील लोकप्रिय कलाकारांत राजेश वागले म्हणून सुमीत राघवन, वंदना वागले म्हणून परिवा प्रणती, राधिका वागले म्हणून भारती आचरेकर आणि अंजन श्रीवास्तव हे श्रीनिवास वागलेच्या भूमिकेत झळकत आहेत. या कलाकारांनी मालिकेतील व्यक्तीरेखांत प्राण ओतण्यात महत्त्वाची भूमिका निभावली आहे. विविध प्रकारच्या प्रेक्षकवर्गांशी तादात्म्य साधत या कलाकारांच्या प्रभावी कामगिरीने मालिकेच्या व्यापक आवाहनात महत्त्वाची भूमिका बजावली आहे.गेल्या तीन वर्षांत वागले की दुनिया ही प्रत्येक घरातील आवडती मालिका ठरली आहे. कळीच्या सामाजिक मुद्द्यांवर प्रकाशझोत टाकत देशभरातील प्रेक्षकांशी खोलवर तादात्म्य साधण्याच्या कटिबद्धतेमुळे मालिका खूप यशस्वी ठरली आहे. स्तनांच्या कर्करोगाबाबत जनजागृती करण्यापासून ते मानसिक आरोग्याच्या चिंतांवर मालिकेत प्रकाशझोत टाकण्यात आला आहे. समाजातील सामान्य सामाजिक समस्यांकडे लक्ष वेधून घेत वागले की दुनियाने सातत्यपणे वैचारिक भूमिका मांडली आहे. त्याचेच प्रतिबिंब उमटून आशयगर्भ चर्चांत सहभागी होण्यासाठी प्रेक्षकांना मुद्दे मिळत गेले आहेत. आपल्या तीन वर्षांच्या अतुलनीय प्रवासात आनंद आणि उत्सव साजरा करत मालिका आणखी हृदयस्पर्शी क्षण, जवळीक साधणारे विचार मांडण्याचे आश्वासन देत आहे. खरोखरीच महत्त्वाच्या सामाजिक समस्यांचे निराकरण करण्यासाठी मालिका आपली वचनबद्धता कायम ठेवण्याचे आश्वासन देत आहे.