कल्याण संघटकांचा सुधारीत मासिक दौरा

कोल्हापूर : सर्व माजी सैनिक, विधवा, अवलंबितांच्या सवलतीची माहिती देण्यासाठी जिल्हा सैनिक कल्याण कार्यालय, कोल्हापूर येथील कल्याण संघटक यांचा माहे जानेवारी 2024 चा सुधारित मासिक दौरा खालीलप्रमाणे आयोजित करण्यात आला आहे. संबंधित तालुक्यातील जास्तीत जास्त माजी सैनिक, विधवा, अवलंबितांनी याचा लाभ घ्यावा, असे आवाहन जिल्हा सैनिक कल्याण अधिकारी ले.कर्नल राहुल माने (निवृत्त),  यांनी केले आहे.

दिनांक 16 जानेवारी 2024 रोजी तिसरा मंगळवार- तहसिल कार्यालय, गडहिंग्लज, दिनांक 19 जानेवारी 2024 तिसरा शुक्रवार- तहसिल कार्यालय, चंदगड, दिनांक 22 जानेवारी 2024 चौथा सोमवार- तहसिल कार्यालय शाहुवाडी, दिनांक 25 जानेवारी 2024  चौथा गुरुवार- तहसिल कार्यालय, आजरा व दिनांक 30 जानेवारी 2024 पाचवा मंगळवार- तहसिल कार्यालय शिरोळ याप्रमाणे आहे.

सर्व दौरे तहसिलदार कार्यालयातील दौरे निर्देशित ठिकाणी होतील. वरील दिवशी शासकीय किंवा इतर सुट्टी असल्यास त्या तालुक्याचा दौरा पुढील महिन्यात घेण्यात येईल.