यूपीएससीमध्ये उपसंचालक पदावर भरती; या तारखेपर्यंत करा अर्ज

यूपीएससीमध्ये उपसंचालक पदावर भरती; या तारखेपर्यंत करा अर्ज

मुंबई : केंद्रीय लोकसेवा आयोगाने उपसंचालक आणि इतर पदांच्या भरतीसाठी अर्ज मागवले आहेत. या पदांसाठी अर्ज करण्यासाठी इच्छुक आणि पात्र उमेदवार अधिकृत वेबसाइट (upsc.gov.in) वर जाऊन ऑनलाइन अर्ज भरू शकतात.या भरतीद्वारे एकूण ५४ पदे भरली जाणार आहेत. अर्जदारांनी नोंद घ्यावी की या पदांसाठी अर्ज भरण्यासाठी २९ सप्टेंबर २०२२ पर्यंत वेळ देण्यात आला आहे.

एकूण पदे – ५४       वरिष्ठ प्रशिक्षक – १ पद       उपसंचालक – १ पद

शास्त्रज्ञ – ९ पदे       कनिष्ठ वैज्ञानिक अधिकारी – १ पद

कामगार अंमलबजावणी अधिकारी – ४२ पदे

वय मर्यादा: ज्या उमेदवारांना या पदांसाठी अर्ज करायचा आहे, त्यांचे वय ३५ ते ५० वर्षे असावे. प्रत्येक पदासाठी वयोमर्यादा स्वतंत्रपणे दिली आहे.

शैक्षणिक पात्रता : अर्ज करणाऱ्या उमेदवारांनी नोंद घ्यावी की सर्व पदांसाठी शैक्षणिक पात्रता स्वतंत्रपणे देण्यात आली आहे. तपशीलवार माहितीसाठी भरती अधिसूचना वाचावी.

अर्ज फी : या पदांसाठी अर्ज करणाऱ्या सर्वसाधारण प्रवर्गातील उमेदवारांना अर्ज शुल्क म्हणून ५० रुपये भरावे लागतील, तर आरक्षित श्रेणीतील उमेदवारांना कोणतेही शुल्क भरावे लागणार नाही.