जितेंद्र आव्हाड यांनी केलेल्या वक्तव्याचा कोल्हापूर जिल्ह्यात ठिकठिकाणी निषेध !

जितेंद्र आव्हाड यांनी केलेल्या वक्तव्याचा कोल्हापूर जिल्ह्यात ठिकठिकाणी निषेध !
कोल्हापूर  ( प्रतिनीधी ) – राष्ट्रवादी काँग्रेसचे जितेंद्र आव्हाड यांनी प्रभू श्रीराम यांच्याविषयी केलेल्या अवमानकारक वक्तव्याचा कोल्हापूर जिल्ह्यात हिंदुत्वनिष्ठ संघटनांच्या वतीने ठिकठिकाणी निषेध करण्यात आला.
१. मुरगुड येथे हिंदुत्वनिष्ठ संघटनांच्या वतीने करण्यात आलेल्या आंदोलनात हिंदु जनजागृती समितीचे महाराष्ट्र आणि छत्तीसगड संघटक श्री. सुनील घनवट, श्री. आेंकार पोतदार यांनी त्यांचे मनोगत व्यक्त केले. या प्रसंगी ‘श्रीराम जन्मभूमी न्यास मुरगुड उपखंड प्रमुख’ श्री. तानाजी भराडे, शहरप्रमुख श्री. सर्जेराव भाट, मुरगूड मंडलप्रमुख श्री. प्रकाश परिशवाड, सर्वश्री जगदीश गुरव, सुभाष अनावकर, पृथ्वी चव्हाण, हिंदु जनजागृती समितीचे श्री. किरण दुसे यांसह अन्य उपस्थित होते.
२. कोल्हापूर शहर सकल हिंदू समाजाच्या वतीने जितेंद्र आव्हाड यांच्या चित्रास छत्रपती शिवाजी महाराज चौक येथे ‘जोडे मारा’ आंदोलन करण्यात आले. या प्रसंगी हिंदू एकताचे जिल्हाध्यक्ष श्री. दीपक देसाई, शहरप्रमुख श्री. गजानन तोडकर, शिवसेनेचे उपजिल्हाप्रमुख श्री. उदय भोसले आणि श्री. किशोर घाटगे, हिंदु जनजागृती समितीचे श्री. शिवानंद स्वामी, हिंदु महासभेचे जिल्हाध्यक्ष श्री. मनोहर सोरप, सर्वश्री शरद माळी, जयवंत निर्मळ, हिंदुराव शेळके यांसह अन्य उपस्थित होते.