देशातील सर्वात महागड्या लग्नाची गोष्ट

यंदा लग्नाचे मुहूर्त हे भरगच्च आहेत. गेल्या वर्षीच्या तुलनेत या वर्षी विवाहाच्या तिथी अधिक आहेत. तब्बल ६१ विवाहाच्या तिथी आहेत. तुळशीचे लग्न धूमधडाक्यात पार पडल्यानंतर आता या लग्नाच्या मुहूर्तांना सुरूवात झाली आहे. त्यामुळे, सध्य देशभरात वेडिंग सिझनचा उत्साह पहायला मिळत आहे.
हा वेडिंगचा माहोल सुरू झालेला असतानाच नुकताच कॅटने दावा केला आहे की, देशात डिसेंबरपर्यंत तब्बल ४० लाख लग्न पार पडणार आहेत. त्यापैकी, हजारो लग्नांवर कोट्यावधी रूपयांपेक्षा जास्तीचा खर्च येणार आहे.लग्नात करोडोंचा खर्च करणारे अनेक जण असतात. हे लोक नेहमीच चर्चेत येतात. अशा महागड्या लग्नांबद्दल लोकांमध्ये नेहमीच उत्सुकता पहायला मिळते.
१७ कोटींची साडी आणि ९० कोटींचे दागिने
या लग्नाची खासियत म्हणजे वधू ब्राह्मणी हिने लग्नात तब्बल १७ कोटी रूपयांची महागडी साडी नेसली होती. ही साडी कांजीवरम होती. विशेष म्हणजे सोन्याची तार असलेली ही भरजरी साडी ब्राह्मणीने लग्नात नेसली होती.
साडीसोबतच तिने परिधान केलेल्या दागिन्यांची किंमत ही ९० कोटी रूपये होती. त्यामुळे, तिच्या दागिन्यांची देखील चर्चा झाली होती. असे म्हटले जाते की, असा विवाह देशात यापूर्वी कधीच झाला नाही.
वधूने लग्नात १७ कोटींची साडी आणि ९० कोटींचे दागिने परिधान केल्यानंतर तिच्या मेकअपची देखील तितकीच चर्चा झाली. कारण, तिच्या लग्नात करण्यात आलेला मेकअप हा तब्बल ३० लाख रूपयांचा होता.
या लग्नात ब्राह्मणीचा मेकअप करणाऱ्या ब्युटीशियनला खास मुंबईहून बोलावण्यात आले होते. तिची फी तबब्ल ६ लाख रूपये आकारण्यात आली होती. वधू व्यतिरिक्त तिच्या पाहुण्यांचा मेकअप करण्यासाठी बंगळूरच्या ५० हून अधिक प्रसिद्ध मेकअप आर्टिस्टना बोलावण्यात आले होते. ज्यावर ३० लाखांपेक्षा अधिक खर्च करण्यात आला होता.
पाहुण्यांसाठी २००० कॅब आणि १५ हेलिकॉप्टर
ब्राह्मणीच्या विवाहासाठी तब्बल ५० हजार पाहुण्यांनी उपस्थिती दर्शवली होती, असे सांगितले जाते. या लग्नात पाहुण्यांची ने-आण करण्यासाठी २००० कॅब आणि १५ हेलिकॉप्टरची सोय करण्यात आली होती. या कॅब आणि हेलिकॉप्टर भाड्याने घेण्यात आले होते.