स्टँड अप इंडिया योजनेंतर्गत अनुसूचित जाती व  नवबौद्ध  घटकांकरीता 15 टक्के मार्जिन मनी उपलब्ध

कोल्हापूर : केंद्र शासनाने सन 2015 मध्ये स्टँड अप इंडिया योजना घोषित केली आहे. केंद्र शासनाच्या स्टँड अप इंडिया या योजनेचा लाभ घेवून प्रकल्पाची उभारणी केलेल्या अनुसूचित जाती व नवबौद्ध समाजातील उद्योजकांना 15 टक्के मार्जिन मनी राज्य शासन उपलब्ध करुन देणार आहे. योजनेअंतर्गत सिडबीने या रक्कमेचे सुरक्षा हमी कवच तयार केले आहे. लाभार्थ्यांना दिलेल्या कर्जाला सिडबी हमी देणार आहे. योजनेचा लाभ घेण्याकरिता पात्र लाभार्थ्यांनी अर्ज करण्यासाठी सहायक आयुक्त, समाज कल्याण कार्यालय, कोल्हापूर येथे संपर्क साधावा, असे आवाहन सहायक आयुक्त सचिन साळे  यांनी केले आहे.

या योजनेअंतर्गत जिल्ह्यातील अनुसूचित जातीसाठीच्या सवलती घेण्यास पात्र असलेल्या अनुसूचित जाती व नवबौद्ध घटकांतील नवउद्योजकांनी 10 टक्के स्वहिस्सा भरणा केल्यानंतर व बँकेने अर्जदारास स्टँड अप इंडिया या योजनेअंतर्गत 75 टक्के कर्ज मंजूर केल्यानंतर उर्वरीत मार्जिन मनी 15 टक्के राज्य शासनामार्फत देण्यात येईल.