म्युझिक व्हिडिओमध्ये दिसणार अमन गांधी आणि मुनिरा कुदरती

गतवर्षीच्या आवृत्तीच्या उदंड यशानंतर ‘झी टीव्ही’वरील ‘सा रे ग म प’ या गायनविषयक रिअॅलिटी कार्यक्रमाचे दणक्यात पुनरागमन झाले असून त्यात हिमेश रेशमिया, नीति मोहन आणि अनु मलिक हे परीक्षक म्हणून काम पाहणार आहेत. कार्यक्रमाचे सूत्रसंचालन आदित्य नारायण करणार आहे. आपल्या अप्रतिम गायनाने या कार्यक्रमातील स्पर्धक आठवड्यांमागून आठवडे प्रेक्षकांवर आपला प्रभाव टाकत असून आठवड्याचा गायक या पदासाठी निवड करण्यासाठी प्रयत्न करीत आहेत. तसे झाल्यास त्यांना आपले स्वतंत्र गाणे ध्वनिमुद्रित करता येईल. इतरांशी चुरशीची स्पर्धा केल्यानंतर येत्या आठवड्याचा गायक म्हणून स्नेहा भट्टाचार्य या स्पर्धकाची निवड झाली.

‘झी टीव्ही’वरील ‘क्योंकि… सास माँ, बहू बेटी होती है’ या नव्या मालिकेसाठी दुसरी स्पर्धक निष्ठा शर्मा हिच्याबरोबर शीर्षकगीत ध्वनिमुद्रित केल्यावर स्नेहा भट्टाचार्यला यापूर्वी ‘मंगलवार’ हे आपले पहिले स्वतंत्र गाणे ध्वनिमुद्रित करता आले होते. इतकेच नव्हे, तर या गाण्यात ‘भाग्यलक्ष्मी’ मालिकेतील अमन गांधी आणि मुनिरा कुदरती या दोन लोकप्रिय कलाकारांचा समावेश झाला आहे. आता लग्नाचा मोसम सुरू झाला असल्याने त्यातील संगीत कार्यक्रमासाठी हे गाणे अगदी चपखल सुयोग्य ठरते. या ठेकेदार लय असलेल्या गाण्याने संगीत क्षेत्रात खळबळ माजविली आहे. आता संगीत कार्यक्रमाच्या या सर्वात मोठ्या गाण्यावर झुलण्यासाठी सिध्द व्हा!

स्नेहा भट्टाचार्य म्हणाली, “अमन आणि मुनिरा यांच्याबरोबर माझा पहिला व्हिडिओ रेकॉर्ड करण्याच्या कल्पनेने मी खूपच हर्षभरित झाले होते. ते दोघेही खूपच छान आहेत आणि गाण्याचं चित्रीकरण करताना आम्ही सर्वांनी खूप धमाल केली. माझ्यासाठी हा सारा अनुभव फारच नवा आणि वेगळाच होता. 

अमन गांधी म्हणाला, “हा माझा पहिलाच म्युझिक व्हिडिओ असून तोसुध्दा पडद्यावरील माझी नायिका मुनिराबरोबर होता. त्यामुळे त्याबद्दलची भावना मी शब्दांत तरी व्यक्त करू शकत नाही. मला जेव्हा प्रथम कळलं की मी सा रे ग म प तील एक स्पर्धक स्नेहा हिने गायलेल्या एका म्युझिक व्हिडिओमध्ये मला भाग घ्यायचा आहे, तेव्हा मी तात्काळ त्यास होकार दिला. म्युझिक व्हिडिओसाठी चित्रीकरण करणं हा फारच वेगळा अनुभव होता. पण आम्ही खूप मजा केली. या अप्रतिम गाण्याला आम्ही न्याय दिला, अशी मी आशा करतो.”

मुनिरा कुदरती म्हणाली, “भाग्यलक्ष्मीमध्ये सर्वांनी अमन आणि माझ्यातील खास नातं पाहिलं आहे. आता या गाण्यात प्रेक्षक आम्हाला आमच्या मूळ रूपात पाहतील. चाहत्यांनी आमच्यावर प्रेमाचा वर्षाव सुरू ठेवला असून त्यांचे संदेश सतत येत असतात. अमन आणि मी हे गाणं एकत्रितपणे केलं, याचा मला आता आनंद होत आहे. 

स्नेहाच्या या व्हिडिओची प्रशंसा सर्वत्र होत असून तरी पुढील भागांमध्ये आठवड्याचा गायक कोण होईल, ते पाहणे प्रेक्षकांसाठी खूपच उत्कंठावर्धक ठरेल.