15 जुलै रोजीच्या प्लेसमेंट ड्राईव्ह मधून जागेवरच नोकरी

 कोल्हापूर :  जागतिक युवा कौशल्य दिनानिमित्त जिल्हा कौशल्य विकास, रोजगार व उद्योजकता मार्गदर्शन केंद्र, कोल्हापूर या कार्यालयामार्फत शनिवार दि.  15 जुलै 2023 रोजी सी बिल्डींग, शासकीय निवासस्थान, विचारे माळ, कावळा नाका, कोल्हापूर येथे  प्लेसमेंट ड्राईव्हचे आयोजन करण्यात आले आहे.

            या प्लेसमेंट ड्राईव्हमध्ये औद्योगिक तसेच इतर सेवा क्षेत्रातील 5 खाजगी उद्योजकांनी सहभाग दर्शविला असून, त्यांच्याकडून विविध प्रकारची सुमारे 200 पेक्षा जास्त रिक्तपदे या प्लेसमेंट ड्राईव्हकरीता कळविण्यात आली  आहेत. या पदांकरीता  10 वी, 12 वी, आयटीआय, ‍डिप्लोमा, कोणत्याही शाखेतील पदवीधर इत्यादी पात्रता असणारे स्त्री-पुरुष उमेदवार पात्र असणार आहेत.

इच्छूक उमेदवारांनी www.rojgar.mahaswayam.gov.in या संकेतस्थळास भेट देऊन आपला पसंतीक्रम ऑनलाईन नोंदवावा. उमेदवारांनी प्रत्यक्ष मुलाखतीला येताना बायोडाटाच्या 5 प्रती सोबत आणणे आवश्यक आहे. विविध कंपन्यांकडील रिक्त पदांसाठी उदयोजकांकडून मुलाखती घेऊन निवड करण्यात येणार आहे. या संधीचा जास्तीत जास्त उमेदवारांनी लाभ घ्यावा आणि जागेवरच थेट नोकरी प्राप्त करुन घ्यावी, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त संजय माळी यांनी केले आहे.