समृद्धी महामार्गावर आणखी एक भीषण अपघात; ट्रॅव्हल्सचा चुराडा

 छत्रपती संभाजीनगर : छत्रपती संभाजीनगरच्या सावंगीजवळ समृद्धी महामार्गावर पुन्हा आणखी एका ट्रॅव्हल्सचा अपघात झाल्याची बातमी समोर आली आहे. समृद्धी महामार्गावरील अपघातांची मालिका थांबण्याचं नाव घेत नसल्याचं चित्र दिसत आहे.

 छत्रपती संभाजीनगरच्या सावंगीजवळ समृद्धी महामार्गावर पुन्हा ट्रॅव्हल्सचा अपघात झाला आहे. ट्रॅव्हल्स आणि ट्रकच्या अपघातात ट्रॅव्हल्सच्या समोरील भागाचा पूर्णपणे चुराडा झाला. या अपघातामध्ये 20 जण जखमी झाले आहेत. त्यातील 11 जणांना डिस्चार्ज देण्यात आला असून 9 जणांवर घाटी रुग्णालयात उपचार सुरू आहेत.

रात्रीच्या सुमारास खुराणा ट्रॅव्हलचा समृद्धी महामार्गावर गेट नंबर 16 वर अपघात झाला. हा अपघात इतका भीषण होता की यात ट्रॅव्हल्सच्या समोरील भागाचा पूर्णपणे चुराडा झाला आणि अनेक प्रवासीही जखमी झाले. सुदैवाने या अपघातात कोणतीही जीवितहानी झाल्याचं वृत्त समोर आलेलं नाही.