no images were found
बिपरजॉय चक्रीवादळाबाबत हवामान विभागाकडून महत्त्वाची अपडेट
मुंबई : बिपरजॉय चक्रीवादळाबाबत हवामान विभागाकडून महत्त्वाची अपडेट देण्यात आली आहे.
मुंबई आणि परीसरात पुढील 48 तासांत तुरळक ठिकाणी मेघगर्जानांसह पावसाची शक्यता असल्याचा अंदाजही हवामान विभागाकडून वर्तवण्यात आला आहे.यादरम्यान मुंबईत वाऱ्याचा वेग 55 ते 60 किलोमीटर प्रती तास राहण्याची शक्यता असल्याचं मुंबई प्रादेशिक हवामान विभागाचे प्रमुख सुनिल कांबळे यांनी म्हटलं आहे.
बिपरजॉय चक्रीवादळ 500 ते 600 किमी दूर असून ते गुजरातला धडकणार आहे. चक्रीवादळामुळे 14 जून आणि 15 जूनदरम्यान गुजरातमधील कच्छ, द्वारका, पोरबंदर, जामनगर, राजकोट, जुनागड, आणि मोरंबी जिल्ह्यात अतिमुसळधार पावसाचा अंदाज वर्तवण्यात आला आहे.
मान्सूसाठी राज्यात सध्या अनुकूल वातावरण असून, पुढील 48 तासांत मान्सून महाराष्ट्र व्यापण्याची शक्यता आहे, असा अंदाजही हवामान खात्याकडून वर्तवण्यात आला आहे. मात्र जोपर्यंत 50 ते 60 मिलीमीटर पाऊस होत नाही तोपर्यंत शेतकऱ्यांनी पेरण्याची घाई करू नये असा सल्ला हवामान विभागानं दिला आहे.
दरम्यान हवामान विभागाकडून बिपरजॉयच्या पार्श्वभूमीवर मच्छिमारांना देखील आवाहन करण्यात आलं आहे. बिपरजॉय चक्रीवादळ समुद्रात असेपर्यंत मासेमारीसाठी जाऊ नये असा इशारा हवामान विभागाच्या वतीनं देण्यात आला आहे.
