कोल्हापूर महानगरपालिकेचे राजमाता जिजाबाई गर्ल हायस्कूलचा 100 टक्के निकाल

कोल्हापूर : कोल्हापूर महानगरपालिकेचे एकमेव राजमाता जिजाबाई गर्ल हायस्कूलच्या इयत्ता10 वीचा 100% निकाल लागला आहे. या शाळेने सलग तीन वर्षे 100% निकालाची परंपरा कायम राखली आहे. आजच्या निकालामध्ये श्रीराज युवराज भोसले 94.60% प्रथम,उत्कर्ष विनायक कांबळे 94.20% व्दितीय,सार्थक रविंद्र घाटगे 94.20% तृतीय,प्राची पांडुरंग गवळी 92.80% ,वेदांती अमोल कळंत्रे 92.80% ,प्रियांका सचिन जाधव 92.00%, अंकिता गजानन मोरे 91.60% ,शर्वरी सचिन चौगुले 89.80% गुण मिळविले.  तसेच इतर सर्व वि‌द्यार्थीनीनी 75% च्यावर घवघवित गुण प्राप्त केले आहेत.

            कोल्हापूर महानगरपालिकेच्या एकमेव राजमाता जिजाबाई गर्ल हायस्कूलचा निकाल 100% लावण्यासाठी शाळेकडील मुख्याध्यापिका सौ.अंजली अशोक जाधव, शिक्षक, शिक्षकेतर कर्मचारी व पालक याचे योगदान लाभले. यासाठी महानगरपालिकेच्या प्रशासक डॉ. कादंबरी बलकवडे, अतिरिक्त आयुकत रविकांत आडसुळ व उप आयुक्त शिल्पा दरेकर व प्राथमिक शिक्षण मंडळाचे प्रशासनाधिकारी शंकर यादव यांचे मार्गदर्शन लाभले. त्याचबरोबर हे यश मिळवण्यासाठी लक्ष्मीबाई जरग विद्यामंदिरचे मुख्याध्यापक व शिक्षक स्टाफ यांचे मोलाचे सहकार्य लाभले.