सामाजिक न्याय व इतर बहुजन कल्याण विभागाच्या योजनांची प्रचार प्रसिध्दी कार्यशाळा संपन्न

कोल्हापूर :   सामाजिक न्याय विशेष सहाय्य विभागाच्यावतीने सामाजिक, शैक्षणिक व आर्थिक योजना राबवल्या जातात. या योजनांच्या  माहितीचा  समाजामध्ये प्रचार व प्रसार व्हावा तसेच सामाजिक न्याय विभागाच्या योजना पासून कोणीही वंचित राहू नये यासाठी सामाजिक न्याय पर्व अभियान अंतर्गत दिनांक 06 एप्रिल 2023  रोजी सहाय्यक आयुक्त, समाज कल्याण कार्यालय, येथे सामाजिक न्याय व इतर बहुजन कल्याण विभागांच्या योजनांची प्रचार प्रसिद्धी कार्यशाळा पार पडली.

            या कार्यशाळेसाठी महिला आर्थिक विकास महामंडळ, कोल्हापूर येथील महिला स्वयंसहायता बचत गटाच्या 53 सदस्यांनी योजनांची माहिती घेतली. सहाय्यक आयुक्त, विशाल लोंढे यांनी उपस्थितांशी हितगुज साधून कल्याणकारी योजनांचा लाभ समाजामध्ये प्रसारित करण्याचे आवाहन केले. यावेळी तालुका समन्वयक सचिन कांबळे, सुरेखा डवर व सचिन परब यांनी विद्यार्थ्यांना योजनांची माहिती दिली. कार्यक्रमध्ये सार्वजनिक बांधकाम विभागाचे अभियंता पूनम पाटील, , यांनी महिला सक्षमीकरण या विषयावरती सुसंवाद साधून मागदर्शन केले. कार्यशाळेसाठी सहाय्यक लेखा अधिकारी अरविंद रंगापुरे, कार्यालय अधिक्षक सचिन पाटील हे उपस्थित होते.