no images were found
अचानक बसने पेट घेतला आणि २० जणांचा जागीच मृत्यू…
यमन : बसने प्रवास करणाऱ्यांवर काळाने मोठा आघात केला. कोणी शाळेत जात असेल कोणी बाहेर गावी निघालं असेल तर कुणी कामानिमित्ताने बाहेर, या सगळ्यांना मृत्यूनं अचानक भयानक रस्त्यात गाठलं आणि मोठा अनर्थ घडला.बसने अचानक पेट घेतल्यामुळे २० प्रवाशांचा जागीच होरपळून मृत्यू झाला असून, ३० प्रवासी जखमी झाले आहेत. सौदी अरेबियाच्या नैऋत्य भागात ही घटना घडली असून, संबंधित घटने नंतर अनेकांनी हळहळ व्यक्त केली आहे.बसचा ब्रेक फेल झाल्यानंतर ती पुलावर आदळली आणि उलटल्यानंतर बसला आग लागली. यामध्ये २० प्रवाशांचा होरपळून मृत्यू झाला आहे.
अपघाताची माहिती पोलीस आणि स्थानिक प्रशासनाला मिळताच तातडीने घटनास्थळी धाव घेत आगीवर नियंत्रण मिळवले. जखमींना स्थानिक रुग्णालयात उपचारासाठी दाखल करण्यात आले आहे.
