उत्सवादरम्यान क्रेन कोसळून तिघांचा मृत्यू

तामिळनाडू : एका मंदिर उत्सवादरम्यान तामिळनाडूत क्रेन कोसळून तिघांचा मृत्यू झाल्याची दुर्घटना घडली.तामिळनाडूमधील (जि. राणीपेट) येथे मंडियमम्न मंदिराच्या मैलार उत्सवात एक क्रेन कोसळल्यामुळे ३ जणांचा मृत्यू झाला आहे.

मिळालेल्या अधिक माहितीनुसार, राणीपेट जिल्ह्यातील नेमिलीच्या येथे किलीवेडी गावामध्ये ही दुर्घटना घडली. किलीवेडी गावात मंडियमम्न मंदिर मैलार उत्सवासाठी शेकडो भाविकांनी गर्दी केली होती. या उत्सवादरम्यान, एका क्रेनच्या मदतीने भलामोठा हार आणण्यात येत होता. क्रेनला हार लटकलेला असताना त्यावर काही तरुण उभे होते.  अचानक क्रेन डाव्या बाजूला सरकल्यामुळे तोल जाऊन क्रेन खाली आदळली. क्रेनखाली दबून ज्योती बाबू ही विद्यार्थिनी तसेच किलावथम  भूपालन आणि मजूर मुठ (४२) हा मजुर यांचा या क्रेनखाली दबून मृत्यू झाला. या अपघातात एका मुलीसह आणखी ९ जण गंभीर जखमी झाले असून त्यांना शासकीय प्राथमिक आरोग्य केंद्र, अरक्कोनम शासकीय रुग्णालय आणि एका खाजगी रुग्णालयात उपचारासाठी दाखल करण्यात आलेले आहे.