कृषि पर्यवेक्षक (गट-क) पदासाठी ऑनलाईन अर्ज करावेत

कोल्हापूर : कृषि आयुक्तालयाच्या अधिनस्त विभागीय कृषि सहसंचालक, कोल्हापूर विभाग, कोल्हापूर कार्यालयांतर्गत कृषि पर्यवेक्षक (गट-क) पदासाठी एकुण 82 रिक्त पदांसाठी विभागात कार्यरत असणाऱ्या कृषि सहाय्यक (गट-क) या संवर्गातील कर्मचाऱ्यांमधून मर्यादित विभागीय स्पर्धा परीक्षेद्वारे गुणवत्तेच्या आधारे निवड करुन भरण्यासाठी ऑनलाईन अर्ज मागविण्यात येत आहेत. सविस्तर जाहिरात कृषि विभागाच्या www.krishi.maharashtra.gov.in या संकेतस्थळावर प्रसिध्द करण्यात आली आहे.

पदाच्या भरतीसाठी पात्र उमेदवारांकडून ऑनलाईन अर्ज कृषि विभागाच्या  www.krishi.maharashtra.gov.in  या संकेतस्थळावर मागविण्यात येत आहेत. पात्र उमेदवारांनी विभागाच्या संकेतस्थळावर दिनांक 14 ते 28 जानेवारी 2023 या कालावधीमध्ये वेब बेस्ड (Web- Based) ऑनलाईन आवेदन पत्र सादर करणे आवश्यक राहील. तसेच ऑनलाईन परीक्षा शुल्क भरणा दि. 14 ते 28 जानेवारी 2023 या कालावधीमध्ये करता येईल.

जाहिरातीमध्ये देण्यात आलेली परिक्षा विषयक सर्व माहिती, रिक्त पदांचा तपशिल, आवेदनपत्र भरणे, परिक्षा शुल्क, अर्हता, अभ्यासक्रम, परिक्षेचे स्वरुप, इत्यादी वाचूनच अर्ज भरावा. परिक्षा शुल्क, परिक्षेचा अभ्यासक्रम, परिक्षेकरीता नोंदणी व इतर अधिक माहिती उमेदवारास www.krishi.maharashtra.gov.in या संकेतस्थळावर पाहता येईल, असेही कृषी सहसंचालक कार्यालयामार्फत कळविण्यात आले आहे.