no images were found
दौंड-मनमाड स्थानकादरम्यान रेल्वेचा मेगा ब्लॉक; ६ रेल्वे रद्द तसेच अनेक गाड्यांच्या वेळापत्रकात बदल
पुणे : सोलापूर रेल्वे विभागातील दौंड ते मनमाड रेल्वे स्थानका दरम्यान दुहेरीकरणाच्या कामासाठी मेगाब्लॉक घोषित करण्यात आला आहे. या मुळे रेल्वे प्रशासनाने अनेक गाड्या या रद्द केल्या आहेत, तर काही गाड्यांचे वेळा पत्रक बदलले आहे. अनेक लांब पल्ल्याच्या गाड्यांच्या वेळा देखील बदलल्याने प्रवाशांची गैरसोय होणार आहे.
रेल्वे प्रशासनाने दुहेरीकरणाच्या कामासाठी कोपरगाव-कान्हेगाव सेक्शन दरम्यान, मेगाब्लॉक घोषित केला आहे. हा मेगा ब्लॉक १० जानेवारी ते २४ जानेवारी दरम्यान जाहीर करण्यात आला असून या काळात दौंड-निजामाबाद डेमु तसेच १२ ते २६ जानेवारी दरम्यान दौंड-भुसावळ-दौंड मेमु रद्द करण्यात आली आहे. २१ आणि २३ जानेवारी व २३ ते २५ दरम्यान कोल्हापूर-गोंदिया-कोल्हापूर महाराष्ट्र एक्सप्रेस ही गाडी रद्द करण्यात आली आहे. तसेच २२ जानेवारी रोजी हवडा पुणे, हटिया पुणे या दोन्ही रेल्वेचे मार्ग नगपुढून बदलण्यात आले आहेत. नागपूर बल्लारशाह कजीपेठ, सिकंदराबाद, वाडी, दौंड, पुणे आदी मार्गाने या गाड्या धावणार आहेत. तर २३ जानेवारी रोजी हजारत निजमूडदिन- म्हैसूर एक्सप्रेस ही रेल्वे रतलाम, वडोदरा, वसई रोड, पनवेल, कर्जत, लोणावळा पुणे मार्गे धावेल.
पुणे-अमरावती (१८ जानेवारी), पुणे-नागपूर (१९ जानेवारी), अमरावती-पुणे (१९ जानेवारी), पुणे अजनी (२० जानेवारी), नागपूर पुणे (२१ जानेवारी), पुणे अजनी (२१ जानेवारी), अजनी पुणे (२२ जानेवारी), अजनी पुणे २४ जानेवारी) या सर्व गाड्या त्यांच्या निर्धारित मार्गाने न जाता लोणावळा, पनवेल, कल्याण, इगतपुरी, मनमाड या मार्गाने धावतील याची प्रवाशांनी नोंद घ्यावी असे रेल्वे प्रशासनाकडून आवाहन करण्यात आले आहे.
