जीवनदायी उपक्रमाचा नवा अध्याय सुरू – आरोग्यमंत्री प्रकाश आबिटकर   वोक्हार्ट फाऊंडेशन’च्या संकल्पनेतून विकसित झालेल्या आणि एलआयसी हौसिंग फायनान्स लिमटेडचे सीएसआर अर्थसहाय्य मिळालेल्या ‘संजीवनी ब्लड ग्रुप रजिस्ट्री अॅप’ या अत्यंत महत्वाच्या अशा अॅपचे लोकार्पण महाराष्ट्राचे सार्वजनिक आरोग्य आणि कुटुंब कल्याणमंत्री श्री प्रकाश आबीटकर यांच्या मुंबईत आरोग्य भवन येथे झाले.  या अॅपच्या निर्मितीमध्ये आरोग्य विभागाच्या एसबीटीसीचे अर्थात स्टेट ब्लड ट्रान्सफ्युजन कौन्सिलचे मोलाचे मार्गदर्शन लाभले आहे. या उद्घाटन सोहळ्याला आरोग्य विभागातील डॉ नितीन अंबाडेकर, ,एलआयसी हौसिंग फायनान्सच्या ‘सीएसआर’ आणि ‘ईएसजी’च्या सह–महाव्यवस्थापक अनिथा पी एस कुमारी आणि ‘सीएसआर प्रोजेक्ट लीड श्री यश जैन, फेस्कॉम या ज्येष्ठ नागरिक स्वयंसेवी संस्थेचे सुरेश पोटे व इतर प्रतिनिधी तसेच ‘वोक्हार्ट फाऊंडेशन’च्या डॉक्टर पल्लवी छनाना आणि उर्वरित प्रकल्प चमू आणि इतर मान्यवर उपस्थित होते.  रक्तदाता आणि ब्लड बँका यांच्यामध्ये सुयोग्य संपर्क नसल्यामुळे अनेक वेळा गरजू रुग्णांना रक्त मिळवण्यासाठी शर्थीचे प्रयत्न करावे लागतात. त्यामुळे आवश्यक रक्ताची गरज आणि रक्ताचा पुरवठा यातील संतुलन बिघडून जाऊन अनेकवेळा रक्त वेळेवर उपलब्ध न झाल्याने रुग्णांच्या प्राणांशी गाठ येते. अनेक अपघात, शस्त्रक्रिया, गरोदर माता, थॅलेसेमिया, कर्करोग आणि गंभीर आजारांमुळे रक्ताची तातडीची गरज भासत असते आणि ते वेळेवर उपलब्ध न झाल्यास निरपराध जीव धोक्यात येतात.      त्यावर मात करण्यासाठीच हे अॅप सर्वसामान्यांसाठी संपूर्ण विनामुल्य उपलब्ध करून देण्यात आले आहे. ते ‘गुगल प्ले’वरून ‘संजीवनी ब्लड ग्रुप रजिस्ट्री अॅप’  या नावाने डाउनलोड करता येऊ शकेल. यातील संपूर्ण माहिती एन्क्रिप्शनद्वारे सुरक्षित आणि गोपनीय ठेवण्यात येते. आरोग्य विभाग आणि ‘एसबीटीसी’च्या मार्गदर्शनाखाली आपत्कालीन परिस्थितीत इतरत्र रक्तदाते शोधण्याऐवजी ब्लड बँका थेट या अॅपमध्ये नोंदणीकृत असणाऱ्या जास्तीत जास्त रक्तदात्यांपर्यंत एका क्लिकद्वारे पोहचू शकतील.                   सार्वजनिक आरोग्यमंत्री श्री प्रकाश आबिटकर यांनी सध्यपरिस्थितीमध्ये ‘एसबीटीसी’ व आरोग्य विभाग हे रक्तदानाच्या क्षेत्रात अत्यंत महत्वपूर्ण काम करत आहेत, असे उद्गार काढले. “एनजीओ’ व ‘सीएसआर’ यांची मदत घेत सामाजिक कार्य कसे बळकट होऊ शकते याचा एक परिपाठ ‘एलआयसीएचएफएल’ व ‘वोक्हार्ट फाउंडेशन’ने घालून दिला आहे. त्यांचे आभार मानावे तेवढे कमी आहेत.

श्रीगणेशा आरोग्याचा’ : कोल्हापुरात 223 शिबिरांतून 10,203 नागरिकांची मोफत आरोग्य तपासणी   कोल्हापूर, : गणेशोत्सवाच्या मंगलमय वातावरणात कोल्हापूर जिल्ह्यात ‘श्रीगणेशा आरोग्याचा’ या अनोख्या उपक्रमाने नागरिकांच्या आरोग्याची काळजी घेण्याचा यशस्वी प्रयत्न केला आहे. मुख्यमंत्री देवेंद्र फडणवीस यांच्या संकल्पनेतून सुरू झालेल्या या मोहिमेंतर्गत जिल्ह्यात 28 ऑगस्टपासून आतापर्यंत 223 मोफत आरोग्य तपासणी शिबिरांचे आयोजन करण्यात आले आहे. यात 10,203 नागरिकांनी आरोग्य तपासणीचा लाभ …

गणेश मंडळांसाठी अभिनव स्पर्धा : संजीवनी ब्लड ग्रुप रजिस्ट्री ॲप डाऊनलोड करा,स्पर्धेत सहभागी व्हा आणि रुग्णांच्या रक्त पुरवठ्यात योगदान द्या   यंदाच्या गणेशोत्सवात धार्मिक उत्साहाबरोबरच समाजसेवेची अनोखी जोड मिळणार आहे. गणेश मंडळांसाठी ‘संजिवनी ब्लड ग्रुप रजिस्ट्री अॅप’ डाउनलोड स्पर्धा आयोजित करण्यात आली आहे. या उपक्रमामुळे गणेशभक्तांना बक्षिसे जिंकण्याची संधी मिळणार असून, रक्तदानाच्या क्षेत्रात मोलाचे योगदान देण्याची संधी देखील उपलब्ध होणार आहे.  स्पर्धेत …

श्रीगणेशा आरोग्याचा’ उपक्रमातून संपूर्ण राज्यात नागरिकांची आरोग्य तपासणी: मुख्यमंत्री वैद्यकीय सहाय्यता निधी कक्षाचा पुढाकार   मुंबई, : गणेशोत्सवाच्या मंगलमय वातावरणात नागरिकांच्या आरोग्याची काळजी घेण्याच्या दृष्टीने मुख्यमंत्री सहाय्यता निधी व धर्मादाय रुग्णालय मदत कक्षाने महत्त्वपूर्ण उपक्रम हाती घेतला आहे. मुख्यमंत्री श्री.देवेंद्र फडणवीस यांच्या संकल्पनेतून संपूर्ण महाराष्ट्रातील ३६ जिल्ह्यांमध्ये ‘श्रीगणेशा आरोग्याचा’ या विशेष मोहिमेअंतर्गत मोफत आरोग्य तपासणी शिबिरे आयोजित केली जात आहेत. …

संजीवनी ब्लड ग्रुप रजिस्ट्री अॅप’च्या माध्यमातून तत्काळ रक्त उपलब्ध होण्याचा मार्ग खुला: जीवनदायी उपक्रमाचा नवा अध्याय सुरू – आरोग्यमंत्री प्रकाश आबिटकर   वोक्हार्ट फाऊंडेशन’च्या संकल्पनेतून विकसित झालेल्या आणि एलआयसी हौसिंग फायनान्स लिमटेडचे सीएसआर अर्थसहाय्य मिळालेल्या ‘संजीवनी ब्लड ग्रुप रजिस्ट्री अॅप’ या अत्यंत महत्वाच्या अशा अॅपचे लोकार्पण महाराष्ट्राचे सार्वजनिक आरोग्य आणि कुटुंब कल्याणमंत्री श्री प्रकाश आबीटकर यांच्या हस्ते २५ ऑगस्ट रोजी …

बॉलीवूड फॅशनिस्टा अनन्या पांडे यांच्याकडून ‘फॅशन अँड ग्लो अप’ अनुभव फक्त एअरबीएनबी वर कोल्हापूर,  : बॉलीवूड फॅशन आयकॉन अनन्या पांडे एक खास, अद्वितीय फॅशन आणि ग्लो अप अनुभव “अनन्याज स्टाईल एडिट”, फक्त एअरबीएनबीवर आयोजित करण्यासाठी सज्ज आहे. फॅशनप्रेमी, ग्लॅमरचा शोध घेणाऱ्या आणि अनन्याच्या चाहत्यांना त्यांच्या सिग्नेचर स्टाइल विश्वात प्रवेश देण्यासाठी डिझाइन केलेला हा अनुभव जास्तीत जास्त चार पाहुण्यांना उपलब्ध असेल. …

देशभरात कर्करोगाची लवकर तपासणी आणि जनजागृतीसाठी संजीवनी २०२५ मोहीम सक्रिय अभिनेत्री विद्या बालन ‘संजीवनी’च्या पुरस्कर्त्या;  मुंबई, : भारतात कर्करोगाचे प्रमाण झपाट्याने वाढत असल्याने या संकटाला सामोरे कसे जावे, या विषयावर चर्चा करण्यासाठी फेडरल बँक हॉरमिस मेमोरियल फाउंडेशन, न्यूज18 नेटवर्क आणि ज्ञानसहभागी टाटा ट्रस्ट्स यांच्या संयुक्त विद्यमाने संजीवनी राष्ट्रीय परिषद नुकतीच आयोजित करण्यात आली. परिषदेच्या या तिसऱ्या पर्वात आरोग्य क्षेत्रातील तज्ज्ञ, …

घरा-घरातून पुन्हा एकदा महिन्याच्या दुसऱ्या बुधवारी ५ टन टाकाऊ वस्तूंचे संकलन  नागरिकांचा महापालिकेच्या उपक्रमास उत्स्फूर्त प्रतिसाद   कोल्हापूर(प्रतिनिधी ) : महापालिकेच्यावतीने आज शहरभरातून ५ टन वापरात नसलेल्या वस्तूंचे संकलन करण्यात आले. या विशेष उपक्रमाला शहरातील नागरिकांकडून उत्स्फूर्त प्रतिसाद मिळाला. प्रशासक के.मंजूलक्ष्मी व अतिरिक्त आयुक्त रविकांत अडसूळ यांच्या मार्गदर्शनाखाली तसेच सहा.आयुक्त कृष्णा पाटील व मुख्य आरोग्य निरिक्षक डॉ.विजय पाटील यांच्या देखरेखीखाली …

स्पायनल मस्क्युलर अट्रॉफी: प्रत्येक पालकांनी जाणून घ्यावी अश्या दुर्मिळ आजाराची माहिती – वोक्हार्ट हॉस्पिटल्सचा महत्त्वाचा संदेश डॉ. अमित भट्टी, न्यूरॉलॉजिस्ट व स्ट्रोक स्पेशालिस्ट कधी तुम्ही अशा मुलाला पाहिलंय का, जो आपल्या वयाच्या इतर मुलांप्रमाणे बसू, उभं राहू किंवा चालू शकत नाही? किंवा एखादं बाळ, जे खूपच सैल वाटते आणि हात–पाय अपेक्षेप्रमाणे तितकेसे हलवत नाही? ही लक्षणे  सुरुवातीला केवळ वाढीतील उशीर वाटू शकतात, पण कधी कधी त्या स्पायनल मस्क्युलर अट्रॉफी (एसएमए) नावाच्या गंभीर आनुवंशिक आजाराच्या सुरुवातीच्या लक्षणांपैकी असू शकतात. हा असा आजार आहे, ज्याबद्दल प्रत्येक पालक, काळजी घेणारे आणि आरोग्यसेवकांनी माहिती ठेवणे गरजेचे आहे, कारण लवकर निदान झाल्यास मुलाचं आयुष्य बदलू शकते. स्पायनल मस्क्युलर अट्रॉफी (एसएमए) हा दुर्मिळ पण गंभीर आनुवंशिक आजार आहे, जो स्नायूंच्या हालचालींवर नियंत्रण ठेवण्याची क्षमता कमी करतो. इतर आजारांप्रमाणे हा संसर्ग किंवा दुखापतीमुळे होत नाही, तर आई–वडील दोघांकडून दोषपूर्ण जनुक (जीन) मुलामध्ये आल्यामुळे होतो. हा आजार असलेल्या मुलांमध्ये पाठीच्या कण्यात असलेल्या मोटर न्यूरॉन्स नावाच्या स्नायूंना चालना देणाऱ्या मज्जापेशी हळूहळू नष्ट होऊ लागतात आणि स्नायूंना संदेश पाठवणं थांबवतात. त्यामुळे स्नायू हळूहळू कमकुवत होत जातात आणि वाया जाऊ लागतात, यालाच मसल अट्रॉफी म्हणतात. हा आजार बहुतेक वेळा लहान बाळांमध्ये आणि मुलांमध्ये दिसतो, पण काही वेळा त्याची लक्षणे मोठेपणीसुद्धा दिसू शकतात. वोक्हार्ट हॉस्पिटल्सचे सिनियर न्यूरॉलॉजिस्ट आणि स्ट्रोक स्पेशालिस्ट डॉ. अमित भट्टी सांगतात, “स्पायनल मस्क्युलर अट्रॉफी हा असा आजार आहे ज्यामध्ये वेळ म्हणजेच स्नायूंचे आयुष्य. जितक्या लवकर आपण तो ओळखतो, तितक्या प्रभावीपणे आपण त्याआजारावर नियंत्रण ठेवू शकतो आणि मुलाचे जीवनमान जपू शकतो. उशिरा निदान झाल्यास झालेलं नुकसान भरून काढता येत नाही.” म्हणूनच पालक आणि बालरोग तज्ज्ञांनी त्याची लक्षणे ओळखणे खूप महत्त्वाचं आहे. स्पायनल मस्क्युलर अट्रॉफीची बाळांमध्ये दिसणारी काही सुरुवातीची लक्षणे म्हणजे हात–पायांची हालचाल कमी होणे, शरीर खूप सैल (floppy) वाटणे, मान नीट न धरता येणे, गिळताना किंवा श्वास घेताना अडचण होणे. मोठ्या मुलांमध्ये पालकांना जाणवू शकते की मुलाला स्वतः बसणे, उभं राहणे किंवा चालणे कठीण जाते, किंवा तो वारंवार पडतो, खेळताना/धावताना लवकर दमतो. ही लक्षणे कधीही “सामान्य शारीरिक वाढीतील उशीर” म्हणून दुर्लक्ष करू नयेत. अशी कुठलीही लक्षणे दिसल्यास लगेचच बालरोग –न्यूरॉलॉजिस्टचा सल्ला घ्यावा. एसएमए मध्ये लवकर निदानाचे महत्त्व शब्दांत सांगता येणार नाही. गेल्या काही वर्षांत वैद्यकीय क्षेत्रात एसएमएच्या उपचारात मोठी प्रगती झाली आहे आणि आता भारतातसुद्धा काही अत्याधुनिक उपचार उपलब्ध आहेत. पण हे उपचार तेव्हाच जास्त परिणामकारक ठरतात जेव्हा ते उपचार अगदी सुरुवातीलाच सुरू केले जातात काही वेळा तर मुलामध्ये लक्षणे  दिसण्याआधीच. साध्या जनुकीय रक्ततपासणीतून एसएमए आहे की नाही हे निश्चित करता येते. सुदैवाने आज एसएमए साठी असे उपचार उपलब्ध आहेत जे या आजाराने प्रभावित कुटुंबांना खऱ्या अर्थाने आशा देतात. त्यातील सर्वात आशादायक म्हणजे जीन थेरपी, विशेषतः झोलगेन्स्मा नावाचे औषध. हे एकदाच दिले जाणारे इंट्राव्हेनस इंजेक्शन असून यात दोषपूर्ण जनुकाची (जीन) आरोग्यदायी प्रत दिली जाते, ज्यामुळे आजाराची प्रगती थांबवण्याचा प्रयत्न होतो. इतर मंजूर औषधांमध्ये रिसडिप्लाम (तोंडावाटे घेण्याचं औषध) आणि नुसिनरसेन (पाठीच्या मणक्यातील द्रवात दिले जाणारे इंजेक्शन) यांचा समावेश होतो. ही औषधं शरीरात मोटर न्यूरॉन्ससाठी (हालचाल नियंत्रित करणाऱ्या मज्जा पेशींच्या जगण्यासाठी) आवश्यक असलेले प्रोटीन जास्त प्रमाणात तयार होण्यासाठी मदत करतात. या उपचारांमुळे जगभरातील अनेक मुलांना पुन्हा ताकद मिळाली, चालण्याची क्षमता सुधारली आणि अधिक काळ, चांगल्या गुणवत्तेचे, आनंदी व समाधानकारक जीवन जगू शकले.  

सीबीएस परिसरात उघड्यावर कचरा टाकणाऱ्या 34 खाद्य विक्रेत्यांवर दंडात्मक कारवाई कोल्हापूर (प्रतिनिधी ): सीबीएस परिसरातील विक्रेत्यांना उघड्यावर कचरा न टाकणेबाबत वारंवार महापालिकेच्या आरोग्य विभागाच्यावतीने कळविण्यात आले होते. सकाळ सत्रात घंटागाड व रात्रीच्या डंपरची व्यवस्था करुन देखील काही विक्रेते हे आपल्या हातगाडीवरील कचरा त्याच ठिकाणी उघड्यावर टाकत असल्याचे महानगरपालिकेस निदर्शनास आले. त्यामुळे महानगरपालिका आरोग्य विभागाच्या पथकामार्फत अशा 34 खाद्य विक्रेत्यांवर कारवाई …