no images were found
यादें ने साजरा केला 100 एपिसोड्सचा टप्पा
सोनी सबचा हृदयस्पर्शी ड्रामा यादें ने 100 एपिसोड्सचा संस्मरणीय टप्पा पूर्ण केला आहे. विनोद, भावना, दैनंदिन नातेसंबंध आणि रोचक मेडिकल केसांचा अनोखा संगम सादर करत या शोने प्रेक्षकांची मनं जिंकली आहेत. डॉ. देवच्या भूमिकेत इक्बाल खान आणि डॉ. सृष्टी अग्रवालच्या भूमिकेत गुलकी जोशी यांच्या प्रमुख भूमिका असलेल्या या शोने ताज्या कथाकथनाद्वारे प्रेक्षकांना आकर्षित केलं आहे. त्याचबरोबर डॉ. देव मेहता (इक्बाल खान) यांचा आयुष्य पुन्हा उभारण्याचा प्रवासही प्रेक्षकांसमोर आणला आहे.
या विशेष टप्प्याचे औचित्य साधत कलाकार आणि क्रूने सेटवर एकत्र येऊन 100 एपिसोड्सच्या यशस्वी प्रवासाचा उत्सव साजरा केला. शोने स्क्रीनवर अविस्मरणीय क्षण निर्माण केले असले तरी पडद्यामागचा प्रवासही तितकाच खास ठरला आहे. 100 एपिसोड्सच्या काळात कलाकार आणि क्रूने घट्ट नातं तयार केलं आहे. एकत्र जेवणं, शॉट्सदरम्यान एकमेकांची मजा घेणं आणि प्रत्येक टप्पा एक मोठं कुटुंब म्हणून साजरा करणं या सगळ्या आठवणींनी यादें चा प्रवास अधिक अर्थपूर्ण केला आहे. ऑफ-स्क्रीन मैत्री आणि एकमेकांमधील जिव्हाळ्याचे क्षण हे यादें च्या प्रवासाचा अविभाज्य भाग बनले आहेत, ज्यामुळे हा उत्सव आणखी खास ठरला आहे.
100 एपिसोड्स पूर्ण केल्याबद्दल बोलताना इक्बाल खान म्हणाले, “100 एपिसोड्सचा टप्पा गाठणं खूपच खास वाटतं. मागे वळून पाहताना एक आवडती आठवण निवडणं कठीण आहे कारण सेटवरील प्रत्येक दिवसाने आम्हाला काहीतरी जपण्यासारखं दिलं आहे. या महिन्यांत आम्ही एक सुंदर नातं बांधलं आहे मग ते एकत्र जेवणं असो, शॉट्सदरम्यान मजा करणं असो किंवा लांब शूटिंगच्या दिवसांत एकमेकांची साथ घेणं असो. 100 एपिसोड्सच्या प्रवासात संपूर्ण कलाकार आणि क्रू कुटुंबासारखे झाले आहेत आणि मला खरंच वाटतं की ती ऊब स्क्रीनवर दिसते. आम्हाला मिळालेल्या प्रेमाबद्दल मी आभारी आहे आणि पुढील एपिसोड्समध्येही प्रेक्षक आमच्या प्रवासाचा भाग राहतील अशी आशा आहे.”
100 एपिसोड्स पूर्ण केल्याबद्दल बोलताना गुलकी जोशी म्हणाल्या, “100 एपिसोड्स साजरे करणं म्हणजे 100 सुंदर आठवणी साजऱ्या करणं आहे. यादें च्या सेटवरील प्रत्येक दिवस शिकण्याने, हास्याने आणि हृदयस्पर्शी क्षणांनी भरलेला होता. डॉ. सृष्टीची कथा जिवंत करणं आणि तिचं डॉ. देवसोबतचं नातं शोधणं खूप समाधानकारक ठरलं आहे. इक्बाल खान आणि अर्जुन पुंजसोबत काम करणं खूप आनंददायी होतं, आम्ही सेटवर खूप हसलो आणि ती मैत्री नैसर्गिकपणे स्क्रीनवर दिसते. माझ्या आवडत्या भागांपैकी एक म्हणजे दररोज डॉ. सृष्टीच्या सुंदर साड्या परिधान करून तिच्यात रमणं. आमच्या प्रेक्षकांनी दिलेल्या प्रेमाबद्दल मी आभारी आहे आणि यादें त्यांच्या आयुष्याचा भाग बनवल्याबद्दल धन्यवाद. पुढेही अनेक संस्मरणीय क्षण एकत्र अनुभवूया
