विद्यापीठामधील मतदार नोंदणी मदत कक्षास उत्तम प्रतिसाद

कोल्हापूर : शिवाजी विद्यापीठामध्ये जिल्हा निवडणूक शाखेच्या वतीने सुरू करण्यात आलेल्या मतदार नोंदणी मदत कक्षास नवमतदारांचा उत्तम प्रतिसाद मिळत आहे.  विद्यापीठ परिसरातील विविध अधिविभागातील विद्यार्थी, विद्यार्थींनी, कर्मचारी, अधिकारी हे मतदार मदत नोंदणी कक्षास भेट देवून नमुना क्र.6 व नमुना क्र.8 या अर्जांची माहिती घेतली.  दोनशेहून अधिक विद्यार्थ्यांनी मतदार नोंदणी मदत कक्षास भेट दिली. सायंकाळी उशिरापर्यंत मतदान ओळखपत्र संदर्भातील विविध शंकांचे निरसन करण्याचे काम जिल्हा निवडणूक शाखेतील अधिकारी व कर्मचारी यांनी केले.  दि.26 नोव्हेंबर पर्यंत मतदार नोंदणीचे कामकाज चालणार आहे.