no images were found
कलाकारांनी सांगितले सहकलाकारांकडून त्यांनी आत्मसात केलेल्या सवयी
सेटवर दीर्घकाळ एकत्र वेळ घालवल्यामुळे कलाकारांमध्ये कुटुंबासारखी जवळीक निर्माण होते. एकत्रित दिनचर्या, मजेशीर गप्पा आणि छोट्या‑छोट्या सवयी हळूहळू रोजच्या आयुष्याचा भाग बनतात. सोनी सबचे कलाकार सृष्टी सिंह, इक्बाल खान, दीक्षा जोशी आणि नितीन बाबू यांनी अलीकडेच सांगितले की, सहकलाकारांसोबत काम करताना त्यांनी कोणत्या सवयी आणि गुण आत्मसात केले आहेत. सेटवर शांत राहणे, शिस्त पाळणे आणि सकारात्मकता टिकवणे अशा छोट्या गोष्टींनी त्यांच्या वैयक्तिक आणि व्यावसायिक आयुष्यावर चांगला परिणाम झाला आहे.
सृष्टी सिंह, जी ‘यादें’मध्ये डॉ. वाणीची भूमिका साकारते, म्हणाली, “मी माझ्या सहकलाकारांकडून, विशेषतः गुलकीकडून, शांत राहण्याची सवय शिकले आहे. आधी शूटिंग खूप गडबडीत झालं की मला पटकन ताण यायचा. पण आता मी समजून घेतलं आहे की शांत राहणं आणि प्रक्रियेचा आनंद घेणं किती महत्त्वाचं आहे. जे लोक दबावाखालीही इतक्या सहजतेने काम करतात, त्यांच्यासोबत वेळ घालवल्यावर ती सवय आपोआप अंगीकारली जाते.”
इक्बाल खान, जो ‘यादें’मध्ये डॉ. देव मेहता साकारतो, म्हणाला, “यंग कास्टकडून मी नक्की एक गोष्ट शिकली आहे – त्यांची हलकी‑फुलकी एनर्जी आणि सतत एकमेकांना मजेत रोस्ट करण्याची स्टाईल, जी ते कधीच सीरियसली घेत नाहीत. आता मीही त्यांच्यासोबत तसंच करायला सुरुवात केली आहे. मला खरंच त्यांच्यातली जी गोष्ट खूप आवडते ती म्हणजे ते कधीच तक्रार करत नाहीत, जसं की आपण जेन जेड बद्दल ऐकतो. उलट हे सगळे नेहमी पॉझिटिव्ह असतात, एनर्जेटिक असतात आणि मजा करत असतात. खरं सांगायचं तर, ही अशी गोष्ट आहे जी नक्कीच शिकण्यासारखी आहे.”
दीक्षा जोशी, जी ‘पुष्पा इम्पॉसिबल’मध्ये दीप्तीची साकारते, म्हणाली, “मी खरंच करुणा मॅडमकडून नृत्याची आवड आत्मसात केली आहे. सेटवर संगीत लागलं की त्यांची ऊर्जा इतकी संसर्गजन्य असते की सगळ्यांना नाचायला भाग पाडते. त्यांना इतक्या सहजतेने आनंद घेताना पाहून मलाही नृत्याचा आनंद घ्यायला आवडू लागलं. आता शॉट्सच्या मधल्या वेळेत संगीत लागलं की मी फक्त पाहत बसत नाही, तर नाचायला सामील होते.”
नितीन बाबू, जो ‘पुष्पा इम्पॉसिबल’मध्ये चिरागची भूमिका करतो, म्हणाला, “आधी मी माझ्या व्हॅनिटीमध्ये एकटाच शांतपणे जेवण करायचो. पण सेटवर सगळ्यांसोबत वेळ घालवल्यानंतर मी हळूहळू एकत्र जेवायची सवय लावून घेतली. आता लंच ब्रेक हा दिवसातील सर्वात मजेशीर भाग झाला आहे. सगळे मिळून गप्पा मारतो, जोक्स करतो आणि रिलॅक्स होतो. यामुळे संपूर्ण दिवसाची ऊर्जा वेगळीच होते.”
