महापौर सौ.रुपाराणी निकम यांच्या जनता दरबारात 76 नागरिकांचे अर्ज दाखल

महापौर सौ.रुपाराणी निकम यांच्या जनता दरबारात 76 नागरिकांचे अर्ज दाखल
कोल्हापूर, : कोल्हापूर महानगरपालिकेच्या महापौर सौ. रुपाराणी निकम यांनी कोल्हापूर शहरातील नागरिकांच्या समस्या तातडीने सोडविण्यासाठी व त्यांच्या अडचणी थेट जाणून घेण्यासाठी दर महिन्याच्या ५ तारखेला ‘जनता दरबार’ आयोजित करण्याचा निर्णय घेतला आहे. हा जनता दरबार महापालिकेच्या कर्मवीर विठ्ठल रामजी शिंदे चौक येथे आयोजित करण्यात आला होता. या जनता दरबारात 76 नागरिकांनी आपल्या विविध समस्या मांडत अर्ज दाखल केले.
या जनता दरबारात महापौर सौ.रुपाराणी निकम यांनी नागरिकांच्या तक्रारी व मागण्या प्रत्यक्ष ऐकून घेतल्या. तसेच प्राप्त झालेल्या तक्रारी तातडीने निकाली काढण्याच्या सूचना त्यांनी संबंधित अधिकाऱ्यांना दिल्या. जनता दरबारास प्रारंभ करण्यापूर्वी महापौर सौ. रुपाराणी निकम यांनी राजर्षी छत्रपती शाहू महाराज यांच्या प्रतिमेला पुष्पहार अर्पण करून अभिवादन केले. त्यानंतर जनता दरबारास सुरुवात करण्यात आली.
या जनता दरबारामध्ये विविध विभागाचे 76 अर्ज असून यामध्ये नगररचना विभागाशी 20, पाणी पुरवठा विभागाशी 11, विभागीय कार्यालय क्रं.1 कडे 4, घरफाळ विभागाशी 3, इस्टेट विभागाशी 3, अति.आयुक्त कार्यालयाकडे 1, सहा.आयुक्त कार्यालयाकडे 10, उप-आयुक्त कार्यालयाशी 1, अतिक्रमण विभागाशी 2, शहर अभियंता कार्यालयाशी संबंधीत 4, सामान्य प्रशासन विभागाशी 2, दिव्यांग विभागाशी 1, विभागीय कार्यालय क्रं.2 कडे 3, विभागीय कार्यालय क्रं.3 कडे 2, विभागीय कार्यालय क्रं.4 कडे 1, उद्यान विभागाशी 3, आरोग्य विभागाशी 3 व परवाना विभागाशी 1 अर्ज दाखल झाले आहेत.
यावेळी स्थायी समिती सभापती विशाल शिराळे, अतिरिक्त आयुक्त रविकांत आडसूळ, शिल्पा दरेकर, गटनेते आदिल फरास, नगरसेवक स्वरुप कदम, नगरसेविका सौ.माधुरी व्हटकर, सौ.अर्चना कोराणे, सौ.रेखा उगवे, उप-आयुक्त किरणकुमार धनवाडे, सहा.आयुक्त उज्वला शिंदे, स्वाती दुधाणे, शहर अभियंता रमेश मस्कर, जल अभियंता हर्षजीत घाटगे, नगरसचिव सुनील बिद्री, करनिर्धारक संग्राहक सुधाकर चल्लावाड, उपशहर अभियंता सरेश पाटील, महादेव फुलारी, अरुण गुजर, निवास पोवार, मुख्य आरोग्य निरीक्षक जयवंत पवार, मुख्य अग्निशमन अधिकारी मनीष रणभिसे, नगरसेवक व नगरसेविका, विविध विभागाचे अधिकारी, कर्मचारी उपस्थित होते.