प्रतिभा साधनेने विकसित होते : मृदगंधा दीक्षित

Oplus_131072

 प्रतिभा साधनेने विकसित होते : मृदगंधा दीक्षित
कोल्हापूर, : लेखनकलेकडे वळायचे झाले तर उपजत प्रतिभेला लेखनाविषयीचा ध्यास, शिस्त आणि साधनेची जोड महत्त्वाची असते, असे प्रतिपादन युवा लेखिका मृदगंधा दीक्षित यांनी केले. शिवाजी विद्यापीठाच्या मराठी अधिविभागात ‘लेखक संवाद’ या कार्यक्रमात त्या बोलत होत्या. यावेळी अधिविभागप्रमुख डॉ. रणधीर शिंदे, डॉ. नंदकुमार मोरे उपस्थित होते.
        दीक्षित म्हणाल्या, दैनंदिन जीवनात मनामध्ये अनेक अतरंगी विचार येऊन जातात. त्यासाठी स्वतःशी संवाद साधावा लागतो. त्याच विचारांना आपण लेखनाच्या माध्यमातून व्यक्त करू शकतो. त्यातून एक आगळीवेगळी निर्मिती होऊ शकते. पण त्यासाठी रियाज महत्त्वाचा असतो. भोवतालाचे आवाज ऐकणे गरजेचे असते. हे करत असताना कोणतेही बंधन नको. लेखन अधिकाधिक सकस व समृद्ध होण्याकरिता जुन्या मराठी शब्दांची गरज व आंतरविद्याशाखीय दृष्टिकोन असणे अत्यंत आवश्यक आहे.
      यावेळी त्यांनी विद्यार्थ्यांचे शंकासमाधानही केले. प्रांजली क्षीरसागर यांनी सूत्रसंचालन केले. मराठी अधिविभागातील संशोधक विद्यार्थी, एम.ए.चे विद्यार्थी-विद्यार्थिनी कार्यक्रमाला उपस्थित होते.