no images were found
सहलीवरून परतणाऱ्या पुण्यातील प्रवाशांच्या बसचा रायगडमध्ये अपघात, १० जण जखमी
रायगड : रायगडमध्ये सहलीवरून परतणाऱ्या बसचा अपघात झाला असून ही बस १० ते १५ फूट खाली कोसळली आहे. यात १० प्रवासी जखमी झाले आहेत. पुण्यातील निगडी भागातील हे सर्व प्रवासी असल्याची माहिती मिळत आहे. जखमी झालेल्यांवर पाचाडमधील प्राथमिक आरोग्य केंद्रात उपचार सुरू आहेत.
माणगाव ते किल्ले रायगड रस्त्यावर सहलीवरुन परत येणाऱ्या बसला अपघात झाल्याची घटना घडली आहे. ही बस सुमारे 10 ते 15 फूट खाली कोसळली आहे. यामध्ये 10 प्रवासी जखमी झाल्याची माहिती मिळाली आहे. ते प्रवासी किल्ले रायगडावर गेले होते. परतत असताना बसला हा अपघात झाला आहे.
जखमींमध्ये तीन महिलांचा समावेश आहे. सर्व प्रवासी किल्ले रायगडावर छत्रपती शिवाजी महाराज यांचे दर्शन घ्यायला आले होते. परतीच्या मार्गावर असताना किल्ले रायगड ते निजामपूर मार्गावरील घरोशीवाडीनजीक या बसचा अपघात झाला. यावेळी, अवघड वळणावर बसवरील ताबा सुटल्याने बस रस्त्याखाली सुमारे 10 ते 15 फूट कोसळली. यामुळं या अपघातात बसमधील 10 प्रवासी जखमी झाले असून दोन प्रवासी गंभीर जखमी झाल्याची माहिती मिळत आहे.
