no images were found
नवी मुंबई इंटरनॅशनल एअरपोर्ट येथे पूर्णपणे स्वयंचलित एअर कार्गो हब चे भूमिपूजन
नवी मुंबई,: नवी मुंबई इंटरनॅशनल एअरपोर्ट(एनएमआयए) आणि फेडेक्स यांनी आज फेडेक्स च्या पूर्णपणे स्वयंचलित एअर कार्गो हबचे भूमिपूजन केले. या प्रकल्पामुळे भारतातील सर्वात मोठ्या आंतरराष्ट्रीय व्यापार मार्गातील क्षमता वाढणार असून पश्चिम भारतासाठी एकात्मिक लॉजिस्टिक्स आणि व्यापार प्रवेशद्वार म्हणून त्याची भूमिका अधिक मजबूत होणार आहे.फेडेक्स कडून करण्यात येणारी ₹2,500 कोटींची दीर्घकालीन गुंतवणूक प्रस्तावित 3,00,000 चौरस फूट सुविधेला पाठबळ देणार आहे. ही सुविधा प्रादेशिक एकत्रीकरण व पुनर्वितरण हब म्हणून विकसित केली जात असून अदाणी एअरपोर्ट होल्डिंग्ज लिमिटेड (एएएचएल) यांच्या भागीदारीत उभारली जात आहे. एनएमआयए च्या बहुविध (मल्टिमोडल) पायाभूत सुविधांचा लाभ घेत हा हब पश्चिम भारताच्या आंतरराष्ट्रीय व्यापार मार्गाला अधिक बळकटी देईल. कार्यान्वित झाल्यानंतर लॉजिस्टिक्स, वेअरहाउसिंग, वाहतूक आणि संबंधित सेवांमध्ये 6,000 हून अधिक थेट आणि अप्रत्यक्ष रोजगारनिर्मिती अपेक्षित आहे.
या समारंभाला महाराष्ट्राचे माननीय मुख्यमंत्री श्री देवेंद्र फडणवीस;श्री राज सुब्रमण्यम,अध्यक्ष आणि मुख्य कार्यकारी अधिकारी,फेडेक्स;श्री रिचर्ड डब्ल्यू.स्मिथ,सीईओ,एअरलाइन आणि सीओओ (इंटरनॅशनल),फेडेक्स; श्रीमती कामी विश्वनाथन, अध्यक्ष,फेडेक्स मिडल ईस्ट,इंडियन सबकॉन्टिनेंट आणि आफ्रिका (एमईआयएसए) तसेच एएएचएल चे संचालक श्री जीत अदाणी उपस्थित होते.
एएएचएल चे संचालक श्री जीत अदाणी म्हणाले,“हा विकास एनएमआयए च्या भारताच्या व्यापार स्पर्धात्मकतेला बळकटी देणारी एकात्मिक पायाभूत सुविधा उभारण्याच्या दीर्घकालीन दृष्टीकोनाचे प्रतिबिंब आहे. जवाहरलाल नेहरू पोर्ट,औद्योगिक कॉरिडॉर आणि बहुविध वाहतूक जाळ्यांच्या जवळीकतेमुळे एनएमआयए उच्चवाढीच्या निर्यात क्षेत्रांना पाठबळ देण्यासाठी आणि महाराष्ट्राची जागतिक लॉजिस्टिक्स प्रवेशद्वार म्हणून भूमिका अधिक मजबूत करण्यासाठी सक्षम स्थितीत आहे.”
हा विकास दक्षिण पूर्व आशिया, पश्चिम आशिया, युरोप आणि अमेरिकेतील व्यापार प्रवाहांना पाठबळ देईल आणि भारताच्या प्रमुख व्यापार मार्गात जागतिक नेटवर्क कनेक्टिव्हिटी थेट समाविष्ट करेल. प्रगत स्वयंचलित सॉर्टिंग प्रणाली, डिमेन्शनल स्कॅनिंग, उच्च-गती तपासणी तंत्रज्ञान आणि समर्पित विमान पार्किंग बे यांसारख्या सुविधांमुळे आयात-निर्यात मालाची एकाचवेळी प्रक्रिया शक्य होईल. विशेषतः इलेक्ट्रॉनिक्स, अभियांत्रिकी उत्पादने, औषधनिर्मिती आणि नाशवंत वस्तूंसारख्या उच्च-मूल्य आणि वेळेच्या दृष्टीने संवेदनशील क्षेत्रांसाठी मार्गनिर्देशनातील लवचिकता आणि ट्रान्झिट वेळेची पूर्वानुमानता वाढेल. सुधारित विश्वासार्हतेमुळे सूक्ष्म, लघु आणि मध्यम उद्योगांना (एमएसएमई) निर्यात-आयात क्षमतांमध्ये वाढ करता येईल तसेच लॉजिस्टिक्स खर्च कमी होऊन जलद कार्यवाही साध्य होईल.
एनएमआयए च्या कार्गो पायाभूत सुविधांची सुरुवात सुमारे 0.5 दशलक्ष मेट्रिक टन (एमएमटी) वार्षिक हाताळणी क्षमतेपासून होणार असून अंतिम टप्प्यात ती टप्प्याटप्प्याने वाढवत सुमारे 3.25 एमएमटी पर्यंत नेण्यात येईल. ही नियोजित क्षमता वाढ मुंबई महानगर प्रदेशाला (एमएमआर) भारतातील सर्वात प्रगत हवाई मालवाहतूक आणि लॉजिस्टिक्स प्रवेशद्वारांपैकी एक म्हणून स्थान देण्याच्या विमानतळाच्या दीर्घकालीन धोरणाला पाठबळ देते.भारतामधील जवळपास तीन दशकांच्या कार्याचा पाया अधिक मजबूत करत, हा हब फेडेक्स ची समर्पित उपस्थिती विस्तारेल आणि एनएमआयए ची जागतिक पुरवठा साखळ्यांमध्ये एकात्मिक विमानन व बहुविध व्यापार प्लॅटफॉर्म म्हणून भूमिका अधिक सक्षम करेल.
