अदाणी पॉवर आणि ड्रुक ग्रीन पॉवर मिळून भूतानमध्ये 570 मेगावॅट जलविद्युत प्रकल्प उभारणार

Oplus_131072

अदाणी पॉवर आणि ड्रुक ग्रीन पॉवर मिळून भूतानमध्ये 570 मेगावॅट जलविद्युत प्रकल्प उभारणार

नवी दिल्ली / अहमदाबाद, : भारतातील सर्वात मोठी खाजगी वीज उत्पादक कंपनी अदाणी पॉवर आणि भूतानची सरकारी वीज निर्मिती कंपनी ड्रुक ग्रीन पॉवर कॉर्पोरेशन लिमिटेड (डीजीपीसी) यांनी आज भूतानमध्ये 570 मेगावॅट क्षमतेच्या वांगचू जलविद्युत प्रकल्प उभारण्यासाठी भागधारक करार (एसएचए) केला. तसेच वीज खरेदी कराराचा (पीपीए) प्राथमिक करारही करण्यात आला. सर्वात महत्त्वाचे म्हणजे या प्रकल्पासाठी भूतान सरकारसोबत सवलत करार (सीए) वर देखील स्वाक्षरी केली.

        हे करार भूतानचे पंतप्रधान माननीय डॅशो त्शेरिंग टोबगे आणि अदाणी समूहाचे अध्यक्ष गौतम अदाणी यांच्या उपस्थितीत करण्यात आले. या करारामुळे अदाणी पॉवर आणि डीजीपीसी यांना बीओओटी (बिल्ड, ओन, ऑपरेट, ट्रांसफर) मॉडेलवर पीकिंग रन-ऑफ-रिव्हर वांगचू जलविद्युत प्रकल्प उभारण्याचा मार्ग मोकळा झाला आहे.

       वांगचू प्रकल्पासाठी सुमारे 6,000 कोटी रुपये (60 अब्ज) इतकी गुंतवणूक करून नवीकरणीय ऊर्जा प्रकल्प आणि संबंधित पायाभूत सुविधा उभारल्या जाणार आहेत. प्रकल्पाचा सविस्तर अहवाल पूर्ण झाला असून, 2026 च्या पहिल्या सहामाहीत बांधकाम सुरू होण्याची अपेक्षा आहे. भूमिपूजन झाल्यानंतर पाच वर्षांच्या आत प्रकल्प पूर्ण करण्याचे लक्ष्य आहे.

       अदाणी पॉवरचे सीईओ श्री. एस. बी. ख्यालिया यांनी सांगितले, “भूतान हे शाश्वत विकासाच्या दृष्टीने जगासाठी एक आदर्श आहे. या नवीकरणीय ऊर्जा प्रकल्पाद्वारे देशातील नैसर्गिक साधनसंपत्तीच्या विकासात महत्त्वाची भूमिका निभावण्यास आम्ही खूप उत्सुक आहोत. वांगचू जलविद्युत प्रकल्प भूतानच्या हिवाळ्यातील वाढत्या वीज गरजा पूर्ण करेल, कारण त्या वेळी जलविद्युत निर्मिती कमी असते. उन्हाळ्यात मात्र ही वीज भारतात निर्यात केली जाईल.”

       डीजीपीसीचे व्यवस्थापकीय संचालक डॅशो छेवांग रिनझिन यांनी सांगितले, “1960 च्या दशकापासून भूतान आणि भारत यांनी एकत्र येऊन भूतानच्या मोठ्या जलविद्युत क्षमतेचा विकास केला आहे. जलविद्युत क्षेत्रातील या सहकार्यामुळे दोन्ही देशांना मोठा फायदा झाला आहे आणि हे दोन्ही देशांमधील आदर्श आणि मैत्रीपूर्ण संबंधांचे मुख्य आधार मानले जाते. पुढील दहा वर्षांत भूतानला उच्च उत्पन्न गाठणारा ग्रॉस नॅशनल हॅपिनेस (GNH) देश व्हायचे आहे. त्यासाठी जलविद्युत आणि सौरऊर्जेसारख्या नवीकरणीय ऊर्जा स्रोतांमधून परवडणारी आणि विश्वसनीय वीज मिळणे खूप महत्त्वाचे आहे, जेणेकरून इतर गुंतवणुकीला चालना मिळून आर्थिक वाढ साधता येईल. भूतानने 2040 पर्यंत 15,000 मेगावॅट जलविद्युत आणि 5,000 मेगावॅट सौरउर्जा क्षमता वाढवण्याचा संकल्प केला आहे. डीजीपीसीला अदाणी समूहासोबत 570 मेगावॅट वांगचू जलविद्युत प्रकल्प उभारण्याचा करार करताना आनंद होत आहे. अदाणी समूहाची तांत्रिक आणि आर्थिक ताकद तसेच त्यांचा अनुभव आणि कौशल्य लक्षात घेता, हा प्रकल्प वेगाने पूर्ण होईल आणि इतर प्रकल्पांसाठीही आदर्श ठरेल, अशी अपेक्षा आहे. प्रकल्प पूर्ण झाल्यानंतर भूतानची ऊर्जा सुरक्षितता वाढेल आणि भूतान आणि यांच्यातील ग्रिड कनेक्टिव्हिटी मजबूत होईल.”

      वांगचू हा पहिला जलविद्युत प्रकल्प आहे जो मे 2025 मध्ये अदाणी ग्रुप आणि डीजीपीसी यांच्यात स्वाक्षरी झालेल्या सामंजस्य कराराअंतर्गत उभारला जात आहे. या कराराअंतर्गत एकूण 5,000 मेगावॅट क्षमतेचे जलविद्युत प्रकल्प एकत्र उभारले जाणार आहेत. भविष्यातील प्रकल्पांसाठीही अदाणी ग्रुप आणि डीजीपीसी यांच्यात चर्चा सुरू आहे.