no images were found
अदाणी इंटरनॅशनल स्कूलमध्ये आयएसएसओ नॅशनल गेम्स बुद्धिबळ स्पर्धेचे आयोजन
अहमदाबाद,: – अदाणी इंटरनॅशनल स्कूल, शांतिग्राम येथे आयएसएसओ नॅशनल गेम्स चेस स्पर्धा 2025 यशस्वीपणे आयोजित करण्यात आली. दोन दिवस चाललेल्या या स्पर्धेत रणनीती, बुध्दीमत्ता आणि खेळाडूवृत्तीचा उत्सव साजरा करण्यात आला. या स्पर्धेत भारतातील 10 हून अधिक राज्यांतील 80 पेक्षा जास्त शाळांचे 370 हून अधिक विद्यार्थी सहभागी झाले होते. पालक, प्रशिक्षक आणि समर्थकांसह 650 हून अधिक लोकांच्या उपस्थितीमुळे संपूर्ण कॅम्पस उत्साही आणि स्पर्धात्मक वातावरणाने भरून गेला होता.
या स्पर्धेत अंडर 11, अंडर 14, अंडर 17 आणि अंडर 19 असे चार गट ठेवण्यात आले होते, ज्यामुळे प्रत्येक वयोगटातील खेळाडूंना आपली बुद्धिबळातील कौशल्ये दाखवण्याची संधी मिळाली. दोन दिवस चाललेल्या या रोमांचक सामन्यांमध्ये सहभागी विद्यार्थ्यांनी अचूक रणनीती, कौशल्य आणि तणावातही शांत राहून खेळण्याची क्षमता दाखवली.
उद्घाटन समारंभाला अदाणी इंटरनॅशनल स्कूलच्या प्रमोटर श्रीमती नम्रता अदाणी उपस्थित होत्या. त्यांनी विद्यार्थ्यांशी संवाद साधून त्यांना प्रोत्साहन दिले. तसेच तरुण खेळाडूंना श्री. भावेश पटेल (माजी सचिव – गुजरात स्टेट चेस असोसिएशन आणि उपाध्यक्ष – ऑल इंडिया चेस फेडरेशन) आणि ग्रँडमास्टर अंकित राजपारा यांनीही आपल्या स्पर्धात्मक प्रवासातील अनुभव विद्यार्थ्यांसोबत शेअर करून त्यांना प्रेरणा दिली.
भारतीय बुद्धिबळ सध्या जागतिक स्तरावर नव्या उंचीवर पोहोचत आहे. आर. प्रज्ञानंदा, डी. गुकेश यांसारखे तरुण खेळाडू जगातील सर्वोत्तम खेळाडूंना आव्हान देत आहेत आणि भारताला आघाडीच्या बुद्धिबळ राष्ट्रांमध्ये मजबूत स्थान मिळवून देत आहेत. या यशामागे भारतातील शालेय स्तरावरील समृद्ध स्पर्धात्मक वातावरण आहे. अदाणी इंटरनॅशनल स्कूलसारख्या स्पर्धांमुळे तरुण खेळाडूंना लहान वयातच उच्च दर्जाच्या स्पर्धांचा अनुभव घेण्याची संधी मिळते. अशा व्यासपीठांमुळे देशातील नव्या प्रतिभेला प्रोत्साहन मिळून ती पुढे जागतिक स्तरावरील मोठ्या स्पर्धांपर्यंत पोहोचते. ज्यामुळे पुढील पिढीतील बुद्धिबळ चॅम्पियन्स देशातील शाळा आणि कॅम्पस मधूनच घडतील.
या कार्यक्रमाने अदाणी इंटरनॅशनल स्कूलच्या सर्वांगीण शिक्षणाच्या बांधिलकीची पुन्हा एकदा जाणीव करून दिली. येथे क्रीडा कौशल्याबरोबरच बौद्धिक विकासालाही तितकेच महत्त्व दिले जाते. शाळेतील समृद्ध क्रीडा संस्कृती, विशेष क्लब्स, तज्ज्ञ मार्गदर्शन आणि नियमित स्पर्धांच्या माध्यमातून विद्यार्थ्यांमध्ये विचार करण्याची क्षमता, चिकाटी, मेहनत आणि नैतिक मूल्ये विकसित होत आहेत.
समारोप समारंभात चारही गटांमध्ये विजेत्यांना पदकं प्रदान करण्यात आली. यावेळी ओव्हरऑल चॅम्पियन आणि रनर-अप शाळांची घोषणा हा मुख्य आकर्षणाचा क्षण ठरला.मुंबईतील छत्रभुज नरसी स्कूलला ओव्हरऑल चॅम्पियनचा मान मिळाला, तर हैदराबादमधील इंडस इंटरनॅशनल स्कूल रनर-अप ठरले. या दोन्ही शाळांनी सातत्य, एकाग्रता आणि उत्तम खेळाडूवृत्तीचे दर्शन घडवले.
