शाहू महाराजांवरील पहिल्या ब्रेलपुस्तिकेच्या ऑडिओबुकचे ‘शिववाणी’ वरुन लोकार्पण

Oplus_0

शाहू महाराजांवरील पहिल्या ब्रेलपुस्तिकेच्या ऑडिओबुकचे ‘शिववाणी’ वरुन लोकार्पण
कोल्हापूर ( प्रतिनिधी ):राजर्षी शाहू महाराज यांच्या जीवनावरील पहिल्या ब्रेलपुस्तिकेच्या ऑडिओबुकचे लोकार्पण शिवाजी विद्यापीठाच्या ‘शिववाणी’ या कम्युनिटी रेडिओवर करण्यात आले. राजर्षी शाहू महाराज यांच्या जयंतीनिमित्त विद्यापीठाने हा उपक्रम घेतला.
शाहू विचारांचे अभ्यासक विक्रम रेपे यांनी राजर्षी शाहू महाराज यांच्या जीवनावर आधारित पहिली ब्रेलपुस्तिका लिहिली आहे. अलिकडेच या पुस्तिकेचे प्रकाशन शिवाजी विद्यापीठात खासदार शाहू महाराज यांच्या हस्ते आणि कुलगुरु प्रा. डॉ. दिगंबर शिर्के यांच्या अध्यक्षतेखाली झाले होते. या पुस्तिकेचे शिवाजी विद्यापीठाच्या शिववाणी या कम्युनिटी रेडिओद्वारे ऑडिओबुक तयार करण्यात आले. विक्रम रेपे आणि ’शिववाणी‘चे अभिषेक पाटील यांच्या आवाजात ऑडिओबुकचे रेकॉर्डिंग करण्यात आले. हे ऑडिओबुक ‘शिववाणी कम्युनिटी रेडिओ’ या युट्युब चॅनलवर तसेच ‘स्पॉटिफाय’ या ऑडिओ प्लॅटफॉर्मवर उपलब्ध आहे. या लोकार्पण कार्यक्रमास शिववाणीचे नोडल अधिकारी डॉ. शिवाजी जाधव, कल्याणी आमणगी, रोहित भारतीय आदी उपस्थित होते.