no images were found
चौदा टोळीतील १०१ गुन्हेगारांवर मोका
पिंपरी : पिंपरी-चिंचवड पोलिसांनी या वर्षभरात चौदा टोळीतील १०१ गुन्हेगारांवर मोका कारवाई केली आहे.
संघटित गुन्हेगारी मोडून काढण्यासाठी राज्य सरकारने तयार केलेल्या या महाराष्ट्र संघटित गुन्हेगारी प्रतिबंधक कायद्यानुसार पिंपरी-चिंचवड पोलिसांनी या गुन्हेगारी टोळ्यांवर कारवाईचा बडगा उगारला आहे.
यामुळे संघटित गुन्हेगारी कमी होण्यास मदत होईल अशी अपेक्षा व्यक्त केली जात आहे. कारवाई पुढीलप्रमाणे-चिखली ठाण्याच्या हद्दीतील आकाश उत्तम शिनगारे (रा. मोरेवस्ती, चिखली) व इतर तीनजण, चाकण ठाण्यातील लक्ष्मण बाबूराव धोत्रे (रा. शेल पिंपळगाव) व इतर चारजण, सनी ऊर्फ सोन्या सुरेश शिंदे व इतर तीन जण, देहूरोड हद्दीतील देवा ऊर्फ देवानंद भीमाशंकर जमादार (रा. किवळे) व इतर आठ जण, पिंपरी ठाण्यातील अमित भुरेलाल सौदे (रा. रिव्हर रोड, पिंपरी) व इतर पाच जण, अरुण बिपिन परदेशी (रा. पिंपरी) व इतर तीन जण, जितेंद्र ऊर्फ जित्या आनंदा जाधव (रा.ओटास्कीम, निगडी) , सांगवी हद्दीतील गणेश हनुमंत मोटे (रा. कवडेनगर, सांगवी) व इतर १३ जण, गणेश ऊर्फ केदार नानासाहेब गायकवाड (रा. औंध ) व इतर पाच जण, वाकड हद्दीतील सागर ऊर्फ बबल्या बापू खताळ (रा. कान्हेवाडी) व इतर तीन जण, शिरगाव हद्दीतील निहालसिंग गिरवर गुदेन (रा. मध्यप्रदेश) व इतर दहा जण, निगडी हद्दीतील आदर्श ऊर्फ छोट्या अशोक मगर (रा. राहुलनगर , निगडी) व इतर नऊ जण यांचा समावेश आहे.
