no images were found
घरफाळा दंडामध्ये 80 टक्के सवलत योजनेचे फक्त आठ दिवस शिल्लक
कोल्हापूर ,(प्रतिनिधी): – महानगरपालिका कर आकारणी व वसुली विभागाच्यावतीने दि.15 जानेवारी ते 28 फेब्रुवारी 2025 या कालावधीत दंडात 80 टक्के सवलत योजना जाहिर करण्यात आली आहे. या सवलत योजनेचे शेवटचे आठ दिवस शिल्लक आहेत. या सवलत योजनेमध्ये दि.15 जानेवारी ते दि.20 फेब्रुवारी 2025 या 35 दिवसांच्या कालावधीत 7,795 थकबाकीदार मिळकतधारकांकडून रु.11 कोटी 30 लाख इतकी थकीत रक्कम जमा झाली आहे. या 80 टक्के योजनेमधून रु. 5 कोटी 70 लाख सवलत मिळकतधारकांना देण्यात आली आहे.
कर आकारणी व वसुली विभागाच्यावतीने दि.01 एप्रिल 2024 ते दि.20 फेब्रुवारी 2025 या कालावधीत 99,174 मिळकतधारकांकडून रु.55 कोटी 28 लाख इतकी रक्कम जमा करण्यात आली आहे. 80 टक्के सवलत योजना लागु करुन ही जे थकबाकीदार थकीत रक्कम दि.25 फेब्रुवारी 2025 पर्यंत भरणा करणार नाहीत अश्या थकबाकीदारांवर मिळकती सिल करणे अथवा मिळकतीवर बोजा नोंद करणेसारखी कारवाई घरफाळा विभागाच्यावतीने करण्यात येणार आहे. तरी थकबाकीदारांनी आपली थकीत रक्कम या आठ दिवसात भरुन महापालिकेस सहकार्य करावे असे आवाहन घरफाळा विभागाच्यावतीने करण्यात आले आहे.
