no images were found
बसच्या खिडकीतून डोकावल्याने विद्यार्थ्याचा दुर्दैवी अंत
औरंगाबाद : शाळेतून घरी निघालेल्या नववीच्या विद्यार्थ्याने बसच्या खिडकीतून डोकावताच लोखंडी खांब धडकल्याने त्याचा जागीच मृत्यू झाला. ही दुर्दैवी घटना आज दुपारी साडेबाराच्या सुमारास औरंगपुऱ्यातील जिल्हा परिषद मैदानासमोर घडली. हरीओम राधाकृष्ण पंडित (रा.बजाजनगर,वाळूज) असे मृत मुलाचे नाव आहे.
हरीओम हा सरस्वती भुवन शाळेत इयता नववीत शिकत होता. दुपारी शाळा सुटल्यावर तो जिल्हा परिषद मैदान येथून शहर स्मार्ट सिटीबस मध्ये बजाजनगरकडे घरी जाण्यासाठी बसला होता. दरम्यान बस मध्ये बसलेल्या हरिओमने खिडकीतून डोके बाहेर काढून बघत असतानाच बाहेरील भिंत व खंबाचा डोक्याला जबर धक्का बसला आणी हरिओम रक्तबंबाळ अवस्थेत निपचित पडला. हरिओमला तातडीने उपस्थिताना शासकीय घाटी रुग्णालयात हलविले. मात्र तो पर्यंत त्याची प्राणज्योत मालवली होती. या प्रकरणी क्रांतीचौक पोलीस ठाण्यात घटनेची नोंद घेण्यात आली आहे.
