no images were found
UG आणि PG च्या विद्यार्थ्यांसाठी UGC चा नवीन उपक्रम
यूजीसीचे अध्यक्ष एम. जगदीश कुमार यांनी वेबिनारमध्ये या UGC च्या नवीन उपक्रमाबद्दल माहिती दिली. युजीसीचा एक नवीन उपक्रम आला आहे. सायबर सिक्युरिटीचा अभ्यास विद्यार्थ्यांना उपलब्ध करून दिला जाणार आहे. सायबर क्राइमच्या घटनांमध्ये दिवसेंदिवस वाढ होत आहे. अशा परिस्थितीत प्रत्येक व्यक्तीला सायबर सुरक्षेची माहिती असणे गरजेचे आहे. विद्यापीठ अनुदान आयोगाकडून यूजी आणि पीजी स्तरावर सायबर सुरक्षेचा अभ्यास सक्तीचा केला जाणार आहे.
यूजीसीच्या समितीने सायबर सुरक्षेत विद्यार्थ्यांसाठी अभ्यासक्रमाचा मसुदा तयार केला आहे. पदवी आणि पदव्युत्तर विद्यार्थ्यांसाठी हा अभ्यासक्रम 75 तासांचा असेल. या कोर्स अंतर्गत 45 तास थिअरी, तर 30 तास प्रॅक्टिकल असेल.
6 ऑक्टोबर 2022 रोजी सायबर जनजागृती दिन निमित्त वेबिनार आयोजित करण्यात आलं होतं. यूजीसीचे अध्यक्ष एम. जगदीश कुमार यांनी सायबर सुरक्षेचा अभ्यास पूर्ण करण्याची घोषणा केली. एम. जगदीश कुमार यांनी वेबिनारमध्ये या कार्यक्रमाबद्दल माहिती दिली. सतत वाढत असलेल्या सायबर धोक्यांपासून संरक्षण करण्यासाठी, माहिती तंत्रज्ञानाचे परिमाण टाळण्यासाठी अशी कौशल्ये विकसित करावी लागतात. ज्यांचे नियोजन, अंमलबजावणी आणि देखरेख विद्यार्थी करू शकतात.
विद्यार्थ्यांना जबाबदारीने सोशल मीडिया प्लॅटफॉर्म वापरण्यास शिकणे हा या सगळ्याचा उद्देश आहे.
सायबर सिक्युरिटी कोर्समध्ये विद्यार्थ्यांना त्यांच्या सोशल मीडिया प्लॅटफॉर्मच्या पासवर्डचे संरक्षण कसे करावे, फोन ॲप्लिकेशन्स, डिजिटल पेमेंट सिक्युरिटी, वायफाय सिक्युरिटी, सायबर लॉ, सोशल मीडिया सिक्युरिटी, ई-कॉमर्स आणि डिजिटल पेमेंट्स इत्यादींचे व्यवस्थापन कसे करावे, याचे शिक्षण दिले जाणार आहे.
