१३ नोव्हेंबरला कोल्हापूर अर्बन बॅंकेसाठी मतदान

कोल्हापूर : दि कोल्हापूर अर्बन को. ऑप बॅंकेच्या निवडणुकीचा कार्यक्रम जाहीर झाला असून बॅंकेसाठी १३ नोव्हेंबरला मतदान, तर १५ नोव्हेंबरला मतमोजणी असणार आहे. यासाठी २८ हजार सभासद सकाळी ८ ते सायंकाळी ५ दरम्यान मतदान करतील. जिल्हा उपनिबंधक अमर शिंदे निवडणूक निर्णय अधिकारी आहेत. उमेदवारी अर्ज दाखल करण्याची प्रक्रिया आज (दि. ७) ते बुधवार (दि. १२) पर्यंत स. ११ ते दु. ३ दरम्यान मध्यवर्ती बसस्थानक परिसरात असणाऱ्या जिल्हा उपनिबंधक कार्यालयात आहे.

निवडणूक कार्यक्रम पुढीलप्रमाणे राहील :- अर्ज दाखल – ७ ते १२ ऑक्‍टोबर (स. ११ ते दु. ३), अर्ज छाननी – दि. १३ – दु. १२ पासून, पात्र उमेदवारांची यादी – दि. १४, दु. १, पात्र उमेदवारांची यादी – दि. १४, दु. १, चिन्ह वाटप – दि. ३१, स. ११ वाजता, मतदान – दि. १३ नोव्हेंबर, स. ८ ते सायं. ५, मतमोजणी व निकाल – दि. १५, सकाळी ८ पासून.