no images were found
टोमणे मारणाऱ्या पतीचा कुऱ्हाडीने घाव घालून खून, गुप्तांगही कापलं
रायपूर: वारंवार काळ्या रंगावरुन टोमणे मारत असल्याने महिलेने आपल्या पतीची कुऱ्हाडीने वार करुन हत्या केल्याची धक्कादायक घटना समोर आली आहे. छत्तीसगडमधील दुर्ग जिल्ह्यात महिलेने हे पाऊल उचलल्याची माहिती पोलिसांनी दिली आहे. पोलिसांनी आरोपी महिला संगीता सोमवानीला अटक केली आहे.
पीडित पती पत्नीला नेहमी तिच्या काळ्या रंगावरुन टोमणे मारायचा. यावरुन दोघांमध्य़े अनेकदा भांडणदेखील झालं होतं. रविवारी रात्रीही दोघांमध्ये वाद झाला. यावेळी सहनशक्ती संपलेल्या संगीताने कुऱ्हाडीने पतीनवर वार केला आणि जागेवरच ठार केल. यानंतर तिने पतीचं गुप्तांगही कापलं अशी माहिती पोलिसांनी दिली आहे.
गावकऱ्यांची दिशाभूल कऱण्यासाठी महिलेने पतीची हत्या झाल्याचा बनाव केला. पण पोलिसांनी चौकशी केली असता तिने आपला गुन्हा कबूल केला. पतीच्या पहिल्या पत्नीचा मृत्यू झाल्यानंतर संगीताने त्याच्याशी लग्न केलं होतं. संगीतावर हत्येचा गुन्हा दाखल करण्यात आला आहे.
