no images were found
मुलींच्या शासकीय वसतिगृहात मोफत प्रवेश सुरु
कोल्हापूर, : सामाजिक न्याय व विशेष सहाय्य विभागाच्या अंतर्गत मराठा कॉलनीत असणाऱ्या 125 वी जयंती मागासवर्गीय मुलींचे शासकीय वसतिगृहात शैक्षणिक वर्ष सन 2024-25 मध्ये 8 वी, 11 वी, व्यावसायिक महाविद्यालय, बिगर व्यावसायिक महाविद्यालयात प्रवेश घेण्यासाठी इच्छुक कोल्हापूर शहर व परिसरामधील विद्यार्थिनींनी सहायक आयुक्त समाज कल्याण, कोल्हापूर 125 वी जयंती मागासवर्गीय मुलींचे शासकीय वसतिगृह, मराठा कॉलनी, कोल्हापूर येथे संपर्क साधावा, असे आवाहन मुलींच्या शासकीय वसतिगृहाच्या गृहपालांनी केले आहे.
वसतिगृहात अनुसूचित जाती, अनुसूचित जमाती, विमुक्त जाती व भटक्या जमाती, विशेष मागासवर्गीय, इतर मागास व आर्थिकदृष्ट्या मागास, अपंग, अनाथ, इत्यादी प्रवर्गातील विद्यार्थिनींना मोफत शैक्षणिक सोयीसुविधा पुरविण्यात येतात. अधिक माहितीसाठी भ्रमणध्वनी क्रमांक 8329307642 वर संपर्क साधावा.
