अर्जित तनेजाच्या अॅक्शन पॅक परफॉर्मन्समुळे ‘कैसे मुझे तुम मिल गये’मधील नाट्‌य उंचावले!

झी टीव्हीवरील लोकप्रिय मालिका ‘कैसे मुझे तुम मिल गये’ ही आपल्या मनाची पकड घेणारे कथानक आणि अमृता (सृती झा) आणि विराट (अर्जित तनेजा) यांच्यातील ऑनस्क्रीन केमिस्ट्रीसह प्रेक्षकांचे लक्ष वेधून घेत आहे. हल्लीच्या भागात प्रेक्षकांनी भवानीने विराटसाठी जे काही केले त्याची छोटीशी परतफेड म्हणून विराटने भवानीला घर भेट म्हणून दिल्याचे पाहिले. ह्या क्षणाला आणखी खास बनवत तो भवानी आणि अमृता यांना बांधकामाच्या जागी फ्लॅट दाखवण्यासाठी घेऊन जातो. मात्र, आनंदाच्या ह्या क्षणाला ग्रहण लागते जेव्हा अभिराज अंगद हसीजा ने पाठवलेले गुंड विराटवर हल्ला करतात. विराटला वाचवताना अमृतालाही दुखापत होते. ते पाहून जखमी अवस्थेतही विराट गुंडांशी सामना करतो.

अर्जित तनेजाने सांगितले की कशी मारामारीची दृश्ये चित्रीत करणे एक आव्हानात्मक काम आहे, पण त्याला ते अतिशय थरारक वाटते. ऑनस्क्रीन असे स्टंट्‌स करण्याच्या त्याच्या तयारीतून एक अभिनेता म्हणून त्याच्यातील वैविध्यपूर्णता दिसून येते. भावनात्मक व अॅक्शनने भरलेल्या अशा दोन्ही प्रकारच्या क्षणांमध्ये सर्वोत्तम कामगिरी करण्याची त्याची क्षमता हेही स्पष्ट होते. हे दृश्य चित्रीत करताना अर्जितला अतिशय मजा आली आणि त्यातून मिळालेल्या परिणामासह तो खूपच समाधानी होता.

अर्जित तनेजा म्हणाला, “अॅक्शन हा माझा आवडता प्रकार आहे, त्यामुळे माझ्या शरीरातील रक्त सळसळते. मारामारीचे दृश्य चित्रीत करताना मला माझ्या मर्यादा ढकलून माझ्या शारीरिक आणि मानसिक ताकदीचाही वापर करता येतो. स्टंट मास्टरसोबत ट्रेनिंग करण्यापासून कॅमेऱ्यासमोर परफॉर्म करण्यापर्यंत एक वेगळाच थरार असतो. मला असे ट्रॅक्स अतिशय आवडतात आणि मी त्यांना कधी नाही म्हणत नाही.”

आपल्या व्यक्तिरेखेच्या प्रवासाप्रति अर्जितच्या वचनबद्धतेमधून त्याचे ह्या कलेप्रति समर्पणही प्रतिबिंबित होते. हे कथानक उलगडताना प्रेक्षकांना अधिक ॲक्शन पॅक आव्हाने पाहायला मिळतील. आगामी भागांमध्ये प्रेक्षक पाहतील की अमृता आणि विराट यांचे जबरदस्तीने लग्न लावून दिले जाते.