no images were found
हप्पूने राजेशला घराबाहेर काढले!
एण्ड टीव्हीवरील लोकप्रिय घरेलू कॉमेडी ‘हप्पू की उलटन पलटन’ विनोदी व मनोरंजनपूर्ण एपिसोड्ससह प्रेक्षकांचे लक्ष वेधून घेत आहे. दरोगा हप्पू सिंग (योगेश त्रिपाठी) आणि राजेश (गीतांजली मिश्रा) यांच्यामधील अतूट प्रेम सतत खास आकर्षण ठरले आहे, त्यांचे नाते पाहून प्रेक्षकांना आनंद होतो. पण, अचंबित करणाऱ्या ट्विस्टसह आगामी एपिसोड नाट्यमय वळण घेतो, जेथे हप्पू राजेशला त्यांचे घर सोडून जाण्यास सांगतो. आगामी एपिसोडबाबत सांगताना योगेश त्रिपाठी ऊर्फ दरोगा हप्पू सिंग म्हणाले, “एक व्यक्ती हप्पूकडे ज्योतिषाविरोधात पोलिस तक्रार करतो की, ज्योतिषाने चुकीचे भविष्य सांगत त्याच्या जीवनात हाहाकार निर्माण केला आहे. चौकशीदरम्यान ज्योतिषी त्याच्या संवादासह हप्पूला प्रभावित करतो. तो हप्पूला कुशलतेने हाताळतो आणि त्याचा विश्वास ठेवण्यास भाग पाडतो की, तो लवकरच नवीन एसीपी बनणार आहे. पण, ते पद मिळण्यासाठी हप्पूला त्याच्या पत्नीशिवाय वेगळे राहावे लागेल. घरी परतल्यानंतर हप्पू राजेशला त्याबाबत सांगतो, तसेच तिला त्याचे घर सोडून जाण्यास सांगतो. यावरून भांडण केल्यानंतर राजेश बेनीच्या (विश्वनाथ चॅटर्जी) घरी जाते. राजेश घर सोडून गेल्यानंतर हप्पूचे जीवन दयनीय होऊन जाते. त्याला कटोरी अम्माने (हिमानी शिवपुरी) बनवलेले जेवण आवडत नाही, तुरूंगामधून एक गुन्हेगार पळून जातो आणि वाहतूक पोलिस कर्मचाऱ्यासोबत भांडण करण्यासाठी त्याला निलंबित करण्यात येते.” राजेश ऊर्फ गीतांजली मिश्रा म्हणाल्या, “दुसरीकडे, राजेशचे भाग्य उजळते, जेथे तिचे कूकिंग व्हिडिओज व्हायरल होतात आणि तिला प्रसिद्ध शेफ रंजीव कपूरकडून त्याच्या टीममध्ये सामील होण्याची ऑफर मिळते.” हप्पूला त्याची चूक समजेल का आणि तो राजेशची माफी मागेल का?
