डीकेटीईच्या विद्यार्थ्यांना राज्यस्तरीय डिपेक्स २०२४ प्रकल्प स्पर्धेत विविध पारितोषीके

इचलकरंजी  . अखिल भारतीय विद्यार्थी परिषद आणि सृजन आयोजित राज्यस्तरीय अभियांत्रिकी प्रकल्प प्रदर्शन डिपेक्स २०२४ या स्पर्धेमध्ये डीकेटीईस विविध पारितोषिके  मिळाली आहेत. या प्रदर्शनाचे पारितोषिक वितरण महाराष्ट्र राज्याचे उच्च आणि तंत्रशिक्षणमंत्री माननीय चंद्रकांतदादा पाटील, अजंटा फार्माचे मधुसुधन अग्रवाल, सतीश धवन, स्पेसरिसर्च सेंटरचे संचालक राजा राजन, डीटीईचे डायरेक्टर डॉ. व्ही.पी. मोहितकर यांच्या शुभहस्ते करण्यात आले. डीकेटीईच्या इटीसी विभागामध्ये शिकणा-या प्रणव सातपुते, आर्या पोतदार, सानिका पवार, अनिरुध्द मोरे व ओम पाटील या विद्यार्थ्यांनी ‘इको फ्रेंडली वॉटर प्युरिफिकेशन अँण्ड कुलिंग डीवाईस विथ एअर हुमिडीफायर‘ हा प्रकल्प बनवला. तर कॉम्प्युटर सायन्स विभागातील यश बिर्ला, अक्षय चव्हाण, वरद घाटगे, रोहन भोपळे, रामानंद कदम या विद्यार्थ्यांनी ‘फेक इमेज ऍण्ड व्हीडीओ डिटेक्शन‘ हा प्रकल्प बनविला.
अभियांत्रिकी विद्यार्थ्यांचे कौशल्य वाढविण्यासाठी ‘डीपेक्स २०२४’ ही स्पर्धा आयोजित केली जाते.  त्यामागे मुख्य उद्देश हा विद्यार्थ्यांची संशोधन वृत्ती वाढविणे आणि उपलब्ध साधनांचा सुयोग्य वापर करण्यासाठीचे कौशल्य विद्यार्थ्यांमध्ये रुजविणे हा असतो. इटीसी विभागातील विद्यार्थ्यांनी या प्रकल्पात विद्यार्थ्यांनी पारंपारिक मातीचे भांडयाचा तसेच पाण्याची गाळप करण्यासाठी टाकाउ प्लॅस्टीक पासून तयार केलेले नॉनओव्हन्स फिल्टर तसेच हवेतील आर्द्रता शोषून पाण्यात रुपांतरीत करणारा घटक इ. वापर केला आहे. कॉम्प्युटरच्या विद्यार्थ्यांनी सोशल मेडियावरील व्हिडीओ आणि इमेजेस हे खरे आहेत की खोटे याचा शोध घेण्याची संगणक प्रणाली विकसीत केली आहे. आजकाल सोशल मेडियावर फोटो आणि व्हीडीओ हे बदल करुन प्रदर्शित केले जातात अशे बदल केलेले चुकीचे व्हिडीओ आणि इमेजेस सदरची प्रणाली शोधून काढण्याचे काम करते.
संस्थेचे अध्यक्ष कल्लाप्पाण्णा आवाडे,आमदार प्रकाशआण्णा आवाडे, मानद सचिव डॉ सपना आवाडे व सर्व ट्रस्टींनी पारितोषिक प्राप्त विद्यार्थ्यांचे कौतुक केले. या प्रकल्पासाठी प्र.संचालिका प्रा.डॉ. सौ.एल.एस.आडमुठे, इटीसी विभागप्रमुख डॉ एस.ए.पाटील, मार्गदर्शक व्ही.बी.कुंभार, कॉम्प्युटर विभागप्रमुख डॉ डी.व्ही.कोदवडे, मार्गदर्शक पी.एम.गवळी यांचे मोलाचे मार्गदर्शन लाभले.