महापालिकेच्यावतीने छत्रपती शिवाजी महाराज जयंती साजरी

कोल्हापूर  :- छत्रपती शिवाजी महाराज यांच्या जयंती निमित्त महापालिकेच्यावतीने महापालिकेच्या राजर्षि छत्रपती शाहू सभागृहातील छत्रपती शिवाजी महाराज यांच्या पुतळयास प्रशासक के.मंजूलक्ष्मी यांनी पुष्पहार अर्पण केला. यावेळी अतिरिक्त आयुक्त्‍ रविकांत आडसूळ, उप-आयुक्त शिल्पा दरेकर, साधना पाटील, सहाय्यक आयुक्त संजय सरनाईक, शहर अभियंता हर्षजीत घाटगे, जल अभियंता नेत्रदीप सरनोबत, उपशहर अभियंता नारायण भोसले, नगरसचिव सुनिल बिद्रे, कामगार अधिकारी राम काटकर, पर्यावरण अधिकारी समीर व्याघ्राबरे, रवका अधिकारी प्रशांत पंडत, सिस्टीम मॅनेजर यशपाल राजपूत, रा.जि.ग.हायस्कूलच्या मुख्याध्यापिका अंजली जाधव, विद्यार्थ्यींनी, शिक्षक व कर्मचारी उपस्थित होते. या कार्यक्रमास महापालिकेचे सर्व अधिकारी भगवे फेटे घालून उपस्थित होते. 

यावेळी राजमाता जिजामाता गर्ल्स हायस्कूलच्या विद्यार्थीनींनी व अधिकाऱ्यांनी महाराष्ट्राचे राज्य गीत “जय जय महाराष्ट्र माझा, गरजा महाराष्ट्र माझा” हे राज्यगीत सामूहिकपणे गायन केले. त्याचबरोबर महापालिकेच्यावतीने शहरातील सर्व छत्रपती शिवाजी महाराज यांच्या पुतळयांचा परिसर स्वच्छ रंगरंगरोटी करुन पुष्पहार अर्पण करण्यात आला. तसेच छत्रपती शिवाजी महाराज यांच्या शिवाजी चौक, निवृत्ती चौक व महापालिका राजर्षि छत्रपती शाहू सभागृहातील छत्रपती शिवाजी महाराज यांच्या पुतळयांभोवती आकर्षक विद्युत रोषणाई करण्यात आली आहे.