no images were found
मुंबईत काळाचौकी परिसरातील शाळेत ६ सिलिंडरचा ब्लास्ट, भीषण आग
मुंबई: मुंबईच्या काळाचौकी परिसरात गॅस सिलिंडरचा मोठा स्फोट होऊन आग लागल्याची घटना घडली. मिंट कॉलनी परिसरातील साईबाबा पथ संकुल शाळेत हा स्फोट झाल्याची प्राथमिक माहिती आहे. सुदैवाने संक्रांतीची सुट्टी असल्याने शाळा बंद होती. त्यामुळे मोठी दुर्घटना टळली आहे. शाळा बंद असल्याने कुठलीही जीवितहानी झालेली नाही. या घटनेची माहिती मिळताच अग्निशमन दलाच्या ४ गाड्या घटनास्थळी दाखल झाले. सध्या अग्निशमन दलाचे जवान या आगीवर नियंत्रण मिळवण्याचा प्रयत्न करत आहेत.
या शाळेत तब्बल ६ सिलिंडरचे स्फोट होऊन भीषण आग लागली. एकापाठोपाठ एक सहा स्फोटांचा आवाज आल्याची माहिती स्थानिकांनी दिली आहे. या शाळेत एक लग्नाचा हॉल असल्याचीही माहिती आहे. याठिकाणी केटरींगचा व्यवसाय चालतो, त्यासाठी ही सिलिंडर तिथे ठेवले असून त्याचा स्फोट झाल्याचा प्राथमिक अंदाज वर्तवला जात आहे. सध्या अग्निशमन दलाच्या ४ गाड्या घटनास्थळी पोहोचल्या असून आगीवर नियंत्रण मिळवण्यासाठी जवान शर्थीचे प्रयत्न करत आहेत.
