no images were found
गोल्ड व्हॅल्यूएशन कोर्सचे आयोजन
कोल्हापूर – नव्या वर्षामध्ये कोल्हापूर शहर, गडहिंग्लज आणि आदमापूर येथे गोल्ड व्हॅल्यूएशन कोर्सचे आयोजन केल्याची माहिती समन्वयक गिरीश दिवाण यांनी दिली.
याबाबत अधिक माहिती देताना ते म्हणाले, मुख्यतेः सराफ व्यावसायिक, बँक कर्मचाऱ्यांबरोबर इतरांनाही व्हॅल्यूएटर म्हणून काम करण्याच्या दृष्टीने हा कोर्स महत्त्वाचा आहे. कोर्स पूर्ण झाल्यानंतर शासनाचे प्रमाणपत्र देण्यात येणार आहे. वयाची अट नसणारा हा कोर्स जिल्ह्यात तीन ठिकाणी आयोजित केला आहे. कोल्हापूर सराफ संघ येथे तीन दिवस (३, ४ व ५ जानेवारी) सकाळी दहा ते एक या वेळेत हा कोर्स होईल. त्यासाठी सराफ संघाच्या कार्यालयामध्ये संपर्क साधावा.
गडहिंग्लज येथे हॉटेल सूर्यामध्ये मंगळवारी (ता. २) दुपारी चार ते रात्री दहा या वेळेत ही बॅच होईल. त्यासाठी दीपक वेर्णेकर व तुषार माळी यांच्याशी संपर्क साधावा. आदमापूर येथील हॉटेल त्रिवेणी येथे शनिवारी (ता. ६) शनिवारी दहा ते दुपारी चार या वेळेत कोर्स होईल. यासाठी गारगोटी येथे संजय मालंडकर व अजित चोडणकर यांच्याशी संपर्क साधण्याचे आवाहनही श्री. दिवाण यांनी केले. ते म्हणाले, मर्यादित प्रवेश असणाऱ्या या कोर्ससाठी संबंधितांनी बॅचच्या अगोदर एक तास येऊन प्रवेश घेतला तरी चालू शकेल.
