महात्मा गांधी जयंतीचे औचित्य साधुन 1 ऑक्टोंबर रोजी शहरात स्वच्छता मोहिम

कोल्हापूर  : महात्मा गांधी जयंतीचे औचित्य साधुन 1 ऑक्टोंबर 2023 रोजी एक तारीख-एक घंटा (एक तारीख एक तास) हा स्वच्छता उपक्रम मोठया प्रमाणात राबविण्यात येणार आहे. दिनांक 15 सप्टेंबर ते 2 ऑक्टोंबर 2023 या कालावधीत स्वच्छता पंधरवडा – स्वच्छता ही सेवा 2023 हा उपक्रम राबविण्यात येत आहे. याअंतर्गत महानगरपालिकेकडून रविवार, दि.1  ऑक्टोंबर 2023 रोजी सकाळी 10 ते 11 या वेळेत महालक्ष्मी मंदिर परिसर, रेल्वे स्टेशन व टेंबलाई मंदीर परिसरात स्वच्छता मोहीम राबविण्यात येणार आहे.

            तरी शहरातील सर्व नागरीक, तरुण मंडळे, सेवाभावी संस्था यांनी महानगरपालिकेअंतर्गत सुरु असलेल्या स्वच्छता उपक्रमात आपल्या जवळच्या परिसरात स्वच्छता मोहीमेमध्ये आपला सहभाग नोंदवावा असे आवाहन महानगरपालिकेच्या आरोग्य विभागामार्फत करण्यात आले आहे.