कोल्हापूर : (प्रतिनिधी )शिवाजी विद्यापीठाच्या एम. ए. मास कम्युनिकेशनच्या वतीने शनिवार दिनांक 5 ऑगस्ट 2023 रोजी कॅमेरा हॅन्डलिंग या विषयावर कार्यशाळेचे आयोजन केले आहे. देहरादून येथील फोटोग्राफी इन्स्टिट्यूटमधील कॉन्ट्रीब्यूटरी टीचर श्री. विराज चव्हाण विद्यार्थ्यांना कॅमेरा हाताळणीचे प्रशिक्षण देणार आहेत. पद्मश्री डॉ. ग. गो. जाधव पत्रकारिता अध्यासनाच्या इमारतीमध्ये दुपारी दोन वाजता हे प्रात्यक्षिक सुरू होईल. सर्वांसाठी हे प्रशिक्षण खुले असून विद्यार्थ्यांसोबतच फोटोग्राफीची आवड असणाऱ्यांनी यावेळी उपस्थित राहावे, असे आवाहन मास कम्युनिकेशनचे समन्वयक डॉ. शिवाजी जाधव यांनी केले आहे.