जिल्ह्यात 4 ऑगस्ट पर्यंत बंदी आदेश लागू

कोल्हापूर : मोहरम हा सण दिनांक 20 ते 29 जुलै  2023  या कालावधीत मोठया उत्साहात साजरा होणार असल्याने व कोल्हापूर जिल्ह्यात मोठ्या प्रमाणात यात्रा, उरुस इत्यादी सण साजरे होणार असल्यामुळे या दरम्यान एखादी आक्षेपार्ह पोस्ट व्हायरल होवून तसेच आक्षेपार्ह स्टेटस ठेवून कायदा व सुव्यवस्थेचा प्रश्न निर्माण होवू नये, यासाठी जिल्ह्यात कायदा व सुव्यवस्था राखण्यासाठी महाराष्ट्र पोलीस अधिनियम 1951 चे कलम 37 (1) अ ते फ आणि कलम 37 (3) नुसार अपर जिल्हादंडाधिकारी भगवान कांबळे यांनी 21 जुलै रोजी सकाळी 7 वाजल्यापासून ते 4 ऑगस्ट रोजी रात्री 24 वाजेपर्यंत बंदी आदेश अंमलात राहील.

 जिल्ह्यात मागील काही महिन्यांपासून सोशल मीडियाव्दारे आक्षेपार्ह स्टेटस ठेवण्यामुळे काही घटनामध्ये परिस्थिती चिघळून कायदा व सुव्यवस्थेचा प्रश्न निर्माण होवून दोन गटामध्ये तेढ निर्माण झाला होता. त्यानुसार पोलीस ठाणे अंतर्गत दखलपात्र गुन्हे दाखल करण्यात आले आहेत. या पार्श्वभूमीवर सणांच्या कालावधीत कायदा व सुव्यवस्था राखण्यासाठी हा बंदी आदेश लागू करण्यात आला आहे.