कोल्हापुरात एकादशी दिवशीच मायलेकाचा धक्कादायक मृत्यू

कोल्हापूर : – जिल्ह्यातील पन्हाळा तालुक्यात धक्कादायक घटना घडली आहे.शेतातील विजांच्या ताराचा स्पर्श होवून मायलेकाचा मृत्यू झाल्याची धक्कादायक घटना कोल्हापूर जिल्ह्यातल्या पन्हाळ्यातील नेबापुरात घडली आहे. मायलेकाचा मृत्यू झाला आहे. नंदा मगदूम व अजय मुगदुम अशी मृत्यू झालेल्या मायलेकांची नावे आहेत.

या दुर्दैवी घटनेमुळे नातेवाईकांनी फोडलेला हंबरडा मन हेलावून टाकणारा होता. त्यामुळे महावितरणचा गलथान कारभार उघड झाला असून महावितरणाच्या भोंगळ कारभारामुळे दोघांचा बळी गेल्याने नागरिकांमधून संताप व्यक्त होत आहे.

आषाढी एकादशी दिवशीच अशी दुर्दैवी घटना घडल्याने पन्हाळा तालुक्यात मोठी हळहळ व्यक्त होत आहे. मगदूम मायलेक आज सकाळी जगताप नावाच्या शेतामध्ये गेले असता रानात अस्थाव्यस्त पडलेल्या वीजांच्या तारांना त्यांचा स्पर्श झाल्याने त्यांचा जागीच मृत्यू झाला.